前港姐吳忻熹（前名吳文忻）日前透露乳癌復發，惡化變成第四期，在社交平台拍片時表示，因細胞變異，轉而去到尾龍骨。
廣告（請繼續閱讀本文）
昨晚（23日）吳忻熹在社交平台貼片，片中她自己推輪椅，亦有撐住拐杖步行，她直言出院後，擔心過幾時才可以正常行路，因為坐骨神經痛纏繞了她幾個月，入院後有幾天又不可以下牀，沒有郁動加上肌肉不斷流失，及後還發現癌細胞去了尾龍骨，立即在尾龍骨位置電療5次。
她寫道：「尾龍骨位置冤（痠)到坐又唔係企又唔係，只有躺平才舒服，出院後要用拐杖才勉強行到，連下床去洗手間也覺辛苦！加上出院那天，已開始第一次化療，化療後嗰幾天又攰，但又瞓唔到覺（失眠是化療的副作用），而且第一次化療完嗰個星期，完全唔覺個腫瘤有任何反應，好像還在不斷長大和擴散，心諗，死嘞？！連化療都搞唔惦！
但實在太感恩！出院後這兩星期，經朋友介紹下做了一些療程，令我的身體180度轉變，由行唔到企坐也不太好，到現在可以正常行路唔再痠痛，由個腫瘤不停發炎變大擴散緊，變到已停止擴散和縮小，在這兩星期內，有著極速地向好！感恩！」她表示周三晚會開Live跟大家分享箇中原因。
廣告（請繼續閱讀本文）
（即時娛樂）
