港鐵巴士車長疑與男乘客發生爭執，昨日（22日）網上流傳短片，顯示一架港鐵巴士上，男車長疑在駕駛途中離開駕駛室，躺倒在地並指罵一名藍衫男乘客「㧬X我」，該名男乘客亦突然「插水」四腳朝天自行倒地扮昏迷狀。
網民笑指「唔知邊個好戲啲」
網民笑指二人演技「超班」：「巴士度出現兩大影帝，唔知邊個好戲啲」、「藍色阿叔果場戲會唔會浮誇左啲」、「一齊爭最佳男主角同男配角」、「演技係有，不過略為浮誇！」、「學過野，識得點樣訓落去而唔痛」、「呢場戲最慘搭佢架車市民」，亦有人指「片段無頭無尾噉。都唔知做乜發生乜嘢事」。
有網民於facebook群組「車cam L（香港群組）」以「最佳男主角」為題分享1段18秒影片，顯示一架港鐵巴士正停在行車線上，前方有車龍，男車長離開司機位，躺倒在駕駛座旁並指罵一名藍衫男乘客「㧬X我！」，而男乘客疑正打電話，見此情形亦即刻「插水」四腳朝天倒在地上作昏迷狀，口中大聲唸着「哎也哎也！」。
目擊者：你自己詐諦跌咋，我做證！
一旁另有目擊男乘客就質疑車長，「邊有人㧬你（車長）啫，你自己詐諦跌咋，我做證」。車長不滿說「你做咩證，我跌低咗我依家，我依家受傷」。阿叔倒地數秒後，又自行爬起身。目擊男乘客續指責車長，「你坐喺嗰度（駕駛座），做咩你行出嚟呀？」，車長只是重複說「我依家受傷」，目擊男乘客重複問車長「你行出嚟做咩呀？」，影片完結。
港鐵公司表示翻查相關記錄，相信事件是一宗發生於4月20日早上的糾紛。當時1輛K73巴士遇到交通擠塞，1名乘客要求在右邊行車綫的非巴士站範圍落車，車長基於安全考慮及根據安全駕駛指引拒絕，引起該名乘客不滿，其後警員到場處理協調雙方和解。
原文刊登於 AM730
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)
