廣告（請繼續閱讀本文）
台灣天王周杰倫2025嘉年華巡迴演唱會南寧站將於聽日（25日）登場，尋日（23日）釋出前期退票並新增極特殊嘅特價區，特價區門票380、480元人民幣（約403、509港元），但視線被遮擋，即使帶望遠鏡都睇唔到周杰倫，儘管如此門票仍然被秒速售罄。
周杰倫演唱會南寧站將於4月25、26、27日連續3日舉行，門票由380至2,000元人民幣（約403至2,123港元），其中新增嘅380、480元人民幣特價區域被稱為「大屏觀演區」，因為座位同舞台之間隔住控制台，所以視線完全被遮擋，只能夠睇螢幕感受現場氣氛。
廣告（請繼續閱讀本文）
售票業者指出，雖然特價區域用望遠鏡都睇唔到舞台，但依舊相當搶手，一開賣就全部售罄。業者強調，售票前已經針對座位視覺不良情況進行說明，如果完成購票就代表知曉並接受有呢個情況，不過都依然售罄，睇嚟周杰倫確係魅力沒法擋。
東網網站 : https://on.cc/東網Facebook專頁 : https://www.facebook.com/onccnews/