顏國樑年初昏迷獲師父續命　生前簽做大體老師捐遺體

曾演TVB處境劇《香港81》「陳積」一角深入民心，現年75歲的顏國樑，於2022年曾患第三期鱗狀細胞癌，患病期間聲帶失去了低音，曾接受化療及免疫治療，至今年一月初癌症復發，昏迷留院半個月。顏國樑曾表示得知自己患癌時，心情尚算冷靜，唯一第一時間問醫生一個問題︰「我2013年已經入咗港大嗰個大體老師，我依家係咪要畀你？佢話『唔係唔係，慢慢先，都唔使急嘅』。」雖然顏國樑本身信佛，但這決定同宗教無關，純粹覺得有意義就做，最重要是死得有意思，亦希望對社會有貢獻。另外，早前顏國樑與太太霍潔貞擔任梁思浩節目《直播靈接觸》嘉賓，期間提到彌留之際，太太曾請師傅為他「續命」，梁思浩指直指：「嗰15日真係生死邊緣，你真係要多謝太太。」

已息影30年的顏國樑太太霍潔貞，早前在梁思浩的節目中，講述年初丈夫癌症復發的事情，近年她專心陪伴老公對抗癌症，年初顏國樑癌病復發需要入院搶救，當時已經是昏迷情況，她表示：「當時搶救十幾分鐘後，醫生話情況穩定了，但隨時會再惡化轉差，需要送往深切治療部。」當時情況危急，顏要靠純氧呼吸，每一下呼吸都很用力，好像隨時會停止。事後護士也告知當時好危險，只要3分鐘內救不到就會死。原來顏國樑彌留之際，太太曾經請師傅「續命」，她表示：「當時我心情真係好驚。去咗濟公廟誠心求拜，同埋拎佢平時寫嘅心經去化咗佢。」而梁思浩回憶年初得知顏國樑出事，亦表明全靠妻子為續明：「嗰15日真係生死邊緣，你真係要多謝太太，佢只係講咗一句『我唔捨得顏國樑』，真係令我好感動，佢周圍去拜託人希望你生存續到命。係佢嘅功德，所做嘅一切畀你返嚟。我見到你哋咁恩愛，(要)繼續身體健康，有第一次續命，未必有第二次。」