林作連拍兩片分析鍾袁大戰！力撐多人運動非「古怪要求」另有內情

袁嘉敏（Candy）昨日（4月1日）於IG炮轟鍾培生父子是人渣，「鍾袁大戰」今日又有新進展，曾於鍾培生打拳賽的林作，當然亦有留意事情發展，昨日他出文表示要先了解再作討論，今日就連出兩個帖文表態。

林作第一條片寫道：「鐘（鍾）袁大戰 林作即時精闢分析 為鐘（鍾）生講番兩句」他在片中表示：「首先提供經濟支持並不代表包養，因為包養並唔會出現性格不合所以就唔再包嘅，包咪包囉，理得你性格啫，所以呢度肯定係講緊要睇性格嘅，所以呢個包養係有條件性嘅，好男人。第二，古怪要求絕對係不包括多人運作嘅，因為多人運動係正常嘅，係正常要求，依家你古怪要求就肯定不及多人運動咁簡單喇，咁所以呢度大家都唔需要再作出呢啲無謂猜測。好喇係咁多。」

林作之後在Candy再作回應後再拍片，寫道：「袁小姐解開了謎底！」他表示：「謎底終於解開喇各位，原來係每6秒1蚊嘅電話收費，袁小姐心諗『咁奇怪嘅，講電話朋友之間都要收錢？』更加奇怪嘅係，收完線之後，佢老豆又打嚟，話要同樣服務喎，你話呢個要求奇唔奇怪喇？最奇怪嘅係，我喺你隔離房啫，喺你屋企你都要閂埋房門打畀我，面對面講唔得㗎咩？果然係奇怪，依家我明喇。各位無傷大雅㗎喎，每6秒1蚊，唔得咩？」

林作其實昨晚已在社交平台上載一年前與Candy做直播節目的訪問片段，寫道：「林作一年前神預言」。片中Candy向林作提議：「不如你同鍾培生搞個今晚不設防。」林作即說：「我懷疑佢（鍾培生）見到你會把持不住。」。