「開房」熱潮 人多人少都無問題！
想同一班friend搵個地方聚一日，最舒服最輕鬆就一定係喺屋企開P，不過香港地少人多，想搵個人屋企可以咁大容納晒成班朋友都唔係咁容易。呢個時候一間Party Room就最適合大家玩一日hea一日～除咗提供唔同遊樂設施之外，房間有唔同嘅主題適合大家影相、玩board game、唱K，全部都一次滿足晒，好過去餐廳或者Cafe。難怪近年Party Room越嚟越紅啊！今日就嚟睇吓香港呢二十大討論度最高嘅Party Room到底有乜咁特別！
DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
image source:
image source:
10 Amigos party
呢一間Party Room雖然得三個主題房，不過位於旺角呢個熱門地帶，曾經比新假期介紹過，所以其實都詢問度幾高㗎！入面有適合三五知己一齊煮飯仔嘅美式主題房，仲有專俾大家影相嘅地中海主題房，亦有提供聖誕到會服務，嚟緊聖誕節如果仲未約到地方嘅話，都係一個唔錯嘅選擇！如果聖誕節約唔切，新年之後想約幾個朋友出嚟聚吓舊就最啱啦～
地址：旺角塘尾道66-68號福強工業大廈A座14樓05室
電話： 5167 0591
image source:Facebook/Amigos' party
9 Hey Garden 零食放題
約朋友出嚟玩，就梗係要一邊食零食一邊傾計啦，全港首個有零食放題嘅Party Room，聽落就已經好吸引！超過100款香港、日本、韓國，台灣嘅零食任你拎！邊玩邊食，感覺上真係覺得特別抵！場內一樣有好多唔同嘅影相打卡位，如果想影同朋友影相放上Instagram，絕對唔使擔心冇靚背景～
地址：九龍荔枝角青山道489號香港工業中心A座4樓6C室
電話：6114 7220
image source:Facebook / 零食放題 Hey Garden
8 Homie Kitchen 食前方丈
Home Kitchen同一般嘅Party Room唔同，佢最特別之處就係會定期舉辦各式各樣嘅烹飪課程，由資深嘅廚師教導，四個人以上就可以包堂，啱曬幾個朋友約埋一齊去。現場嘅報置好有氣氛，而且教導菜式都好有質素，前排仲教大家炮製大閘蟹，睇到相都流晒口水呀。選用嘅食材一D都唔馬虎，如果對煮嘢食有興趣一定唔可以錯過！
地址： 香港九龍灣宏開道13號景發工業中心4樓
電話： 5339 3095
image source:Facebook / Homie Kitchen 食前方丈
7 Party First
喺香港呢個繁忙嘅大都會，可以接觸大自然嘅機會比較少，呢間Party Room以森林做主題，舖咗仿真草皮模擬大自然嘅環境，喺鬧市之中歎住冷氣置身森林之中真係幾特別。細個去XX樂園必定會玩嘅氣墊球呢度都有，而且仲有自動麻雀機同埋唔少得嘅board game，入邊嘅佈置都幾有氣氛㗎。
地址：香港葵芳金龍工業中心3座 20樓L室
電話：5235 4943
image source:Facebook / Party First HK
6 TGIF Party Room
喺荃灣呢一間大型嘅Party Room超過2500尺，最啱一大班朋友一齊嚟，以工業風做主題，而最特別之處就係場地入面有一個150尺嘅波波池，熄咗燈之後呢個波波池散發住藍色嘅燈光，最適合影相放上Instagram，一定呃到唔少like呀！呢度亦都有K房，一大班friend一齊唱high歌玩返日，真係諗起都熱鬧！
地址：荃灣橫龍街14-22號德士古道工業中心B座
電話：9220 1394
image source:Facebook / TGIF Party Room
5 La Porte
La Porte係全港唯一主打影樓加派對房一站式服務嘅Party Room，室內設計以夢幻粉色同高貴簡潔白色為主，如果想同一班姐妹、屋企人搞聚會、Party順便同大家留影做紀念，影返輯靚相嘅話，呢個地方就啱曬你哋！場地接近一千呎，有獨立嘅攝影同派對場地，燈箱腳架等等攝影、音響都提供租借服務，千尺影樓比大家大影特影！另外當然唔少得Party Room必備娛樂設備，玩得開心之餘仲可以影咁多靚相，咁吸引，唔怪得成日預約爆滿啦！
地址：九龍新蒲崗雙喜街一號安田中心八樓802室
電話：9862 0822
image source:Facebook /La Porte
4 Party Iconic 玩樂點
夢幻風、少女風嘅Party Room大家都見得多，不過有時一班朋友有男有女，可能唔係個個啱，呢個時候不妨考慮吓夠曬特色、男女都鍾意嘅工業風主題啦。
一班人聚埋一齊，打機就係必備環節，除咗經典街機，比較特別嘅係呢到仲有近年大熱嘅夾公仔機同籃球機，由小朋友玩嘅波波池到大人必備麻將都一應俱全，設備真係多到講唔曬，每個朋友仔要求都可以滿足啦！
地址：屯門建泰街6號恆威工業中心B2座8樓12-13室
電話：5115 4479
image source:Facebook / Party Iconic 玩樂點
3 Kidults Land Party Room
睇個名kid加上adult就知道呢一間就最適合「大細路」啦，目的係希望可以提供一個舒適嘅地方俾大家相聚，喺香港呢個生活節奏急速又緊張嘅城市入面，可以有一個空間去抖吓氣，做返個「大細路」！唔少大人都希望好似小朋友無憂無慮咁去玩，呢間Party Room佈置同道具都可以比大家短暫享受細個嘅歡樂時光，約埋同一班好朋友一齊返老還童都幾有趣～大細路玩得開心，真細路當然都一樣適合，如果想搞親子聚會，呢到都係一個好選擇呀！
地址：九龍荔枝角永康街79號創匯國際中心8樓E&F室
電話：9069 2568
image source:Facebook / Kidults Land Party Room
2 Secret Party
Secret Party 主打主題細房，更加係少數有專為二人派對而設嘅Party Room ，想同好朋友傾心事，或者同另一半拍拖過二人世界、打機、睇戲，煮野嘢食都無問題！兩間分店總共差唔多有40間房咁多選擇，嚟多幾次都唔怕撞房。講到最特別，就係居然仲有「一人派對」，以前有人話「毒」嘅最高境界係一個人睇戯、打邊爐，咁唔知自己一個去party room又係邊個level呢?
地址：觀塘巧明街116-118號萬年工業大廈6樓C室；
尖沙咀加拿分道4-4A號利嘉大廈3樓
電話︰6332 0645
image source:Facebook / Secret Party
1 Comma Party
名列榜首呢間Party Room，佔地超過20,000尺，總共有超過20間主題館，而且曾經被多間媒體報導過，無論係2個人定200個人，呢到都一樣可以滿足到你。唔少訪問拍攝同產品發布都曾經選擇用呢個場地進行，獨特房間風格，更加連廉政公署都曾經租用過當中監倉主題房拍廣告。入面裝修、擺設夠晒本土味，影相出嚟效果包保有質素！
地址：香港觀塘巧明街106號冠力工業大廈15樓02室
電話：9735 6464
image source:Facebook / Comma Party
分析說明：
本研究資料由《KEYPO大數據關鍵引擎》提供，分析時間範圍為2018年12月05日至2019年12月04日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『PartyRoom』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。
