陳星追思會　錢嘉樂：佢遺願係想見朋友

資深動作演員陳星於9月4日在印尼睡夢中離世，終年83歲。藝人錢嘉樂以香港動作特技演員工會代表身份，為陳星舉行追思會，洪金寶、倉田保昭、邵音音、錢小豪、劉允、麥德羅等，以及陳星太太、親友也一同出席，席間除播放陳星電影片段，洪金寶、倉田保昭等分享與陳星的逸事。

嘉樂透露自小跟隨洪金寶工作，回憶當年洪金寶首次執導，是由陳星當男主角的電影，認為也算是一種緣分，當日獲悉陳星離世立即聯絡吳思遠，並花了兩星期籌備追思會，他說：「陳星近年定居印尼，遺願係想返嚟見朋友，佢最好嘅朋友係李小龍同洪金寶，所以即刻打畀大哥大（洪金寶），佢特登喺北京返嚟出席。今日咁順利都係星哥福氣，平時對人好，啲朋友就會返嚟，好似倉田保昭都喺日本飛嚟，我成日話前輩們最厲害嘅唔係功夫，係情義。」

陳星遺孀坦言對是日安排非常滿意，她說：「佢嘅朋友、親人、孫子全部都來了。（陳星遺願係咩？）完成印尼紀念館，剛剛蓋好第一棟，一共有五棟，裏面放了他生前的東西，紀念館都是用來做善事，讓孩子來讀書、學中文。」

東網網站 : https://on.cc/

東網Facebook專頁 : https://www.facebook.com/onccnews/