藝人甄子丹出席電影《葉問4：完結篇》慈善首映，獲太太汪詩詩、仔女、外父外母等到場支持，子丹透露兒子今日12歲生日，與《葉問》系列同是12年，認真有緣。
子丹笑指兒子已看畢前三集故事，雖然內裏不乏動作場面，但卻被他嫌棄：「佢覺得我渣，佢媽咪先勁（有冇感染個仔鍾意功夫？）細個有畀佢學唔同功夫，佢識混合格鬥（有興趣？）小朋友好多嘢有興趣，唔會逼佢學，不過佢已經係跆拳道黑帶，依家比較懶，話唔想再考落去。」
廣告（請繼續閱讀本文）
談到兒子有武術天分，可會栽培他做接班人？子丹指兒子年紀還小，故沒有想太多：「大家知呢行都係表面光輝，但拍攝打戲都受好多傷，拍呢套戲每場都有傷，但就冇斷乜斷物，只係筋鍵勞損，有時出拳都痛，條腰又企唔直，年紀大就會惡化落去，要Keep住物理治療，呢樣嘢係動作演員嘅代價。」問到是否真的不再拍打戲？子丹笑說：「打，唔係點搵食，我係話同功夫片Say Goodbye啫！」
東網網站 : https://on.cc/
東網Facebook專頁 : https://www.facebook.com/onccnews/
廣告（請繼續閱讀本文）