每年近9月，大家都期待Apple公佈新iPhone詳情，mark低開售時間搶購！身為用家，既非炒賣，又想以平價入手新iPhone，就只有一招幫到你——搵Apple員工幫手！
廣告（請繼續閱讀本文）
新舊機均享85折 名額10個
Apple員工買任何公司產品，可享最低85折優惠，每人購買每個類別的產品都有10個名額，每年初重新計算。使用85折優惠時，員工只需於網上預訂即可，更可將產品送到指定地址，省卻交收煩惱。
類別：
iPhone
iPad
Mac
Apple Watch
Apple TV
廣告（請繼續閱讀本文）
9折優惠 名額不限
廣告（請繼續閱讀本文）
當85折的名額用盡，員工可以9折優惠購買上述類別的產品，名額不限，員工需在店內下單購買，不能上網預訂。
新iPhone貨源足就有折！
Apple的市場策略係要製造搶購熱潮，通常第一波新iPhone貨源不充足，員工亦不會有折扣優惠。當貨源充足，炒賣風氣漸減時，以上提及的員工折扣才生效。至於幾時先有折，年年情況不一，建議自用者耐心等候。
享受折扣有條款
透過員工買iPhone，每部機都有員工記錄，一年內均不可轉售，如被查獲，員工會有內部處分，最嚴重可引致被炒。因此，據了解蘋果員工甚少搭上搭幫朋友買機，更不可能上班時為初相識的客人提供折扣，以免因購買人炒賣而影響工作前途。
蘋果Trade機有乜好？
想舊機換新iPhone，好多人都選擇坊間二手店，因為價錢較吸引。雖然Apple store trade-in 價較坊間低，但它會以環保方式處理，例如當裝置的狀況良好時會再次出售；移交回收合作夥伴，將物料循環再用得，環保人士可能會被其方案吸引。
睇完以上員工爆料，更加相信一句話「識人好過識字！」