有咩開心得過同好朋友一齊大肚！藝人張美妮同張嘉兒兩位好姊妹差唔多時間大肚，前者預產期5月，後者就6月，兩個都係陀B女！日前張美妮Po出同張嘉兒合照，張美妮仲留言感謝好姊妹「有你真好」！
撰文：Kayla｜圖片來源：Instagram、微博
張美妮同張嘉兒之前因為合作做節目而成長好姊妹，咁啱兩個人仲一齊大肚添！張美妮日前約張嘉兒一齊食Tea，已經育有一女嘅張嘉兒，相信會傳授唔少湊女經俾張美妮知！
張美妮留言多謝張嘉兒：「同呢個friend永遠都有傾唔完嘅話題，尤其呢個時候，兩個都係大肚婆更加特別多嘢分享！❤而我呢個新手準媽媽成日都會有好多問題，而佢又會好有耐性第一時間會為我解答，我哋互相傾訴、互相勉勵，有你真好！」
星媽趕生豬年BB
1. 胡杏兒
胡杏兒1月29日在社交網開心宣佈懷有第二胎，三年抱兩，真係可喜可賀！
杏兒之前一直被傳有身孕，加上夫妻二人亦揚言會正努力造人，到農曆新年前終於傳來好消息！杏兒親自報喜：「豬寶寶終於加入，李氏農場可以開張了！」
2. 張美妮
38歲 的張美妮同圈外髮型師老公KK於2013年結婚，去年美妮透露已推了不少幕前工作，全心投入造人計劃。她親自於instagram宣布有喜，表示「要做爸爸媽媽喇」，BB預計會在明年6月出世。
3. 單文柔
41歲陳展鵬與28歲單文柔拍拖兩年，上個月先拉埋天窗。他們上年11月各自於社交媒體宣布「Baby is coming」！
3. 黃澤鋒太太陳麗麗
前無綫藝人黃澤鋒有喜訊！去年他於自己社交平台大方宣布，其52歲的太太陳麗麗成功懷上第一胎！！！他直言知道老婆這個年齡才懷孕犧牲很大，故會照顧她比以前更無微不至，實在是好老公！
努力9年後終成功做人
黃澤鋒與太太在2010年結婚，但一直未有懷孕。喜愛小朋友的二人直言努力9年後終於成功懷孕，可謂「願望成真」！
超高齡產婦犧牲好大
黃澤鋒自己都沒想過老婆52歲還可以成功懷上第一胎，指深知老婆已是超高齡孕婦，犧牲很大，但現時老婆已經懷孕三個月有多，兩人都很高興，很期待嬰兒的來臨。
黃澤鋒笑言老婆休息，便相他要「做埋老婆嗰份」幫手教班，不過辛苦都完全冇所謂！全因小生命的來臨才是最重要。他指現時對老婆照顧周到，跟出跟入，也不會讓老婆辛苦。
4. 張嘉兒
現年34歲的張嘉兒於2007年奪得香港小姐冠軍，並於2015年下嫁金融才俊男友，2016年誕下長女Leora。張嘉兒不時會在社交網站上分享跟女兒相處的點滴，又會分享媽媽湊仔的心得和貼士，引起不少新手媽媽的共鳴。
上年11月1日，張嘉兒在Instagram上正式公佈自己懷有第二胎，並留言指：「踏入11月啦。呢個月份亦都係我嘅生日月份。好想同大家分享一個喜訊就係我再一次懷孕啦。今次陀BB比上一次辛苦同埋攰好多，真係每日淨係想黐住張床，不過係唔可以嘅，因為我仲要照顧我個女。作吐作悶嘅次數亦都多咗，聞到有油煙味都會感到不適。」相信今次陀B養胎都難唔倒呢位育兒達人，預產期將於明年5月，祝BB順利出生吧！