【搵食CONY】日本甜品大師來港開店　3件你必知道的事情

日本甜點大師辻口博啟首家海外分店選址香港，推出全新品牌SUPER SWEETS GALLERY，並於今日開幕，CONY仲有機會同大師合照，真係好榮幸呀！雖然大師喺日本享負盛名，但未必個個香港讀者都認識佢，所以CONY為大家整理咗有關大師嘅少少資料，等大家品嚐美味之餘都可以了解到品牌背後嘅故事。

1. 和菓子店太子爺

雖然辻口博啟整西式甜品出晒名，不過原來佢出身自和菓子店家庭。成長於石川縣一個只有5萬多人小城，辻口博啟曾以為自己會繼承家業，但冇諗過竟然在小學三年級時，吃過同學的生日蛋糕就從此愛上，仲立志要親手製作出呢種美食，一到18歲就隻身走到東京學藝追夢。

2. 家道中落　仍成最年輕冠軍

在追夢的開端並不順利，在學藝三個月後，家中的和菓子店就因周轉不靈而結業，爸爸仲走咗佬。即使係咁，佢都冇放棄夢想，更拚命工作幫屋企還債，同時繼續努力學師。

最後在1990年，他以23歲之齡，成為日本史上最年輕的「洋菓子技術大賽」冠軍，後來又積極參加比賽，獲獎無數，包括被譽為糕點界「奧斯卡」的「Coupe de Monde de la Patisserie」及相當於米芝蓮三星丶有朱古力業界「世界盃」之稱的「5 Chocolate Bars」等國際大賽，2013年更成為巴黎巧克力博覽會中「最佳巧克力大師」。

3. 品牌名稱背後意思

辻口博啟在日本擁有13個甜品品牌，而在東京自由之丘的Mont St. Clair係佢第一間開的舖頭，因此亦最為有名。今次來港，品牌有「Gallery（藝廊）」一字，就係因為佢將不同品牌的招牌產品集結成為香港獨有嘅品牌。即刻睇下有咩推介先：

SUPER SWEETS GALLERY
地址：
尖沙咀廣東道3-27號海港城港威商場三階3001號舖
中環金融街8號國際金融中心商場一樓1041-1049號舖
銅鑼灣勿地臣街1號時代廣場B1地庫
沙田正街18號新城巿廣場一期二樓204-214號舖