鄺潔楹即將同黃翠如、林夏薇、高海寧、劉佩玥、陳瀅、江嘉敏開拍無綫新劇《七公主》，鄺潔楹在劇中是一位劍擊好手，為了演好角色，走去學劍擊兼狂操體能，雖然疫情下不能去場館上堂，佢都冇鬆懈，搵工人姐姐幫手練習，仲練出人魚線同腹肌㖭﹗
撰文：東方新地 圖片：IG
「哈比人」鄺潔楹捕獲6呎發哥
廣告（請繼續閱讀本文）
早前「哈比人」鄺潔楹拍外景遇到發哥，出名身型細粒5呎不足的Judy，要跟身型高大的發哥同框，呢張合照得來不容易：
趷籮苦練兩個月拍《七公主》做劍擊好手
廣告（請繼續閱讀本文）
27歲鄺潔楹入行四年，跳出綜藝主持、首次拍攝非處境劇的正劇，劇中跟演戲經驗都比佢多的黃翠如、林夏薇、高海寧、劉佩玥、陳瀅、江嘉敏拍攝新劇《七公主》，鄺潔楹在劇中飾演一名事務律師，除了要背一堆專業名詞的對白，更因同時是一名劍擊好手，所以由零開始去跟教練去學做一名劍擊手，更要狂操體能，因由於近月疫情關係，不能到場館練習，只能在家不停練習進攻、退守、出劍等動作。
鄺潔楹入行四年首次拍黃金檔劇集 豪宅私家場勤家訓練
廣告（請繼續閱讀本文）
鄺潔楹入行四年首次拍黃金檔劇集，不敢怠慢，家住2,000呎大埔淺月灣獨立屋嘅佢，就喺超大私人嘅室內停車場練習，並搵來工人姐姐協助拎起枕頭畀佢用桔劍，鄺潔楹在IG貼出近兩個月的苦練過程並留言：「麻煩工人姐姐拎住個枕頭畀我桔，話說教練要我每日桔500下，過程唔容易，但我同方楚瑜（角色名）一樣喜歡挑戰」。
深蹲趷籮有睇頭
練習時鄺潔楹壓低身趷籮，真係有姿勢又有睇頭﹗網民都留言話好期待，同時又笑身高只有155cm嘅佢「隻手會唔會唔夠長擊倒對方」，亦有不少網民替其工人姐姐擔心「工人姐姐驚到手震」、「有生命威脅叫工人姐姐戴番個劍擊面罩啦啦」。