（本文獲原創者授權轉載。）
喺ViuTV一開始宣傳《飛黃騰達》公布cast時就留意住套劇。除咗有穩陣嘅 Ivy So #蘇雅琳 同 George #歐鎮灝，仲有一班新鮮感十足嘅演員，好似係「陳浩然」#胡卓希 同埋 #洪助昇，不過都唔夠主角由波仔 #黃浚銘 擔正咁震撼。本身仲估佢夾唔夾到，但睇到依家成個cast又幾match。
由YouTuber轉做電視劇甚至係電影演員唔係無，除咗小薯茄嘅成員，之前仲有《歎息橋》嘅Creamy，但由YouTuber擔正主角好似係第一次。波仔做熱血青年繼承咗佢喺YouTube嘅形象，播到依家算穩打穩紥，30集長劇可唔可以慢慢煲起佢，就要睇吓之後有冇爆發位。
想將YouTuber嘅fans移植到電視，除咗考驗fans嘅忠誠度，仲要睇吓個YouTuber係咪拍開劇情類別，如果唔係嘅話，都真係搏一搏。（但波仔係認真嘅！記得佢之前好似去讀咗個導演course，見佢最近不停擔任導演崗位拍咗幾個MV）
但波仔今次又唔係孤軍作戰嘅，Ivy So、George都分擔咗唔少重擔，兩個人輕鬆又得，沉重又得，再加上一班老戲骨好似 #陳曼娜、#陳國邦、#張達倫、#張慧儀、#魯文傑，每個人出返自己份力，已經夠基本分數。
難就難在套劇有30集咁長，開頭5集交代人物夠青春過關，5至10集開始正式比賽有新鮮感又過到，到10至15集加重咗George追Ivy嘅戲搞笑得意又過到關，但只係去到套劇嘅一半。
今個星期，有一大班仔女要養嘅 #陳安立 估計要黑化，點樣谷埋下半部劇，又可唔可以做到宣傳所講嘅「投資世界充滿慾望和恐懼，挑戰情義和底線，說到底，是風險和回報的取捨，到底最後誰主勝利？」，就真係要拭目以待。
📺《#飛黃騰達》99台 #ViuTV Mon-Fri 2130-2230
𝗙𝗘𝗠 ➲ 𝙈𝙤𝙧𝙚 𝙏𝙝𝙖𝙣 𝙀𝙣𝙩𝙚𝙧𝙩𝙖𝙞𝙣𝙢𝙚𝙣𝙩
✅ 𝘊𝘰𝘮𝘮𝘦𝘯𝘵, 𝘓𝘪𝘬𝘦, 𝘚𝘩𝘢𝘳𝘦
✅ 𝘛𝘶𝘳𝘯 𝘖𝘯 𝘕𝘰𝘵𝘪𝘧𝘪𝘤𝘢𝘵𝘪𝘰𝘯𝘴
🤳🏻 𝘍𝘰𝘭𝘭𝘰𝘸 𝘐𝘎 http://www.instagram.com/fongemantvman
作者：方以文 一個人寫光影
▼Follow 方以文 一個人寫光影
Instagram：http://www.instagram.com/fongemantvman
Facebook：https://www.facebook.com/fongeman
【想在LINE TODAY刊登你的文章或影片，歡迎聯絡我們】
Atro 快D完，唔多想大口妹
2024年03月07日09:32
N 選角無問題，故事有問題⋯⋯⋯⋯
成套野好似講到啲人為左所謂「消息」而出賣自己⋯⋯
我屋企人有炒股炒幣，佢係睇書+自己研究，有時會同佢傾下呢啲，就更加覺得套野痴線～
投資最大忌就係set我要喺呢隻股票度賺幾多錢⋯⋯咩野賺夠100萬，個心態錯晒，如果咁諗，你個止賺止蝕位有咩意思？？呢啲叫賭錢，唔係投資！賺到係你夠運！
另一大忌係由朝望到晚，既然set左止賺止蝕，自己做足功課，系統到價自然會提你，望住個Mon把鬼咩⋯⋯你話你心態強就話姐，心態差，學咩人望？？又係攞個止賺止蝕黎擺，根本無用過，都唔知為乜～
另一個神奇位就係套野好鍾意講啲號碼就叫消息，真心丫，你個消息你知唔知自己第幾手？知唔知會唔會係人哋特登吹出嚟呃你班傻仔接貨？聽人講冧把呢啲，師奶就最鍾意！你有做功課嘅，其實心中已經有一啲成日留意嘅心水！點會高風險走去炒啲唔知咩消息來源嘅冧把⋯⋯
如果聽消息就會發達，咁的士司機應該發過豬頭，因為我聽講，好多的士司機都聽唔少消息⋯⋯
飛黃騰達唔係咁樣飛架！！對投資認識不足，就唔好寫呢啲劇本啦，真係教壞人架！下下要幾日翻一倍兩倍，係咪神經病呀？？咁易賺到錢個個駛返工？？傻的嗎？？
2024年03月07日18:33
顯示全部