張敬軒食Lunch艷福無邊 自揭少飲醉怕出洋相：醉咗我好多嘢講

張敬軒今天（25日）到中環出席啤酒活動，雖然只得10位幸運女粉絲，有機會與他共晉午餐，不過也吸引大批女粉絲在餐廳門外守候，軒仔笑道：「艷福無邊食餐lunch，真係少啲體力都唔得，呢啲多人口部運動，想每個人都照顧到。」他平時很自律少飲醉，因驚做錯事，他說：「醉咗我好多嘢講，怕出洋相。」他表示粉絲在午餐時，化身「苦主大聯盟」，問他何時為「叱咤我最喜愛的男歌手」謝票找數，已構思找數行動，會以慈善出發。

軒仔表示不介意新居裝修時，被上手業主的鋼琴老師誤入，令地址曝光，幸他的音樂「密室」沒有曝光，他說：「今次諗住長住，全部自己設計。」問是否和媽媽同住？他即道：「唔好喇啩，我哋冇一齊住20年，𠵱家媽媽住隔籬樓，呢個已係我嘅極限。」他透露今年除了忙於年中舉行工作坊，分享情緒支援與社交媒體運用，亦會推出新專輯，還將舉行自己最長壽的唱片展覽。

（即時娛樂）