由馬國明、陳山聰、陳展鵬、江美儀、唐詩詠、劉佩玥、劉穎文等主演的《隱形戰隊》中，飾演Shadow的劉佩玥（Moon）昨晚（3月7日）終於出場，戙腳兼掹槍指嚇飾演黑幫頭目的林偉，以溫柔聲線說道：「啲貨喺邊？」眼見林偉不肯就範，Shadow向身旁的Ocean（馬國明飾）開槍，成功恐嚇林偉爆料，而她與Ocean的警察身份亦真正曝光。
廣告（請繼續閱讀本文）
昨晚Shadow為Ocean掹玻璃一幕亦是搞笑誘惑兼有，Shadow先是風情萬種問Ocean：「點呀？好緊張呀？」再邊撥頭髮邊向Ocean投以無辜眼神，其間又不忘送上肉嘴。Moon受訪時透露，由於與馬明已建立默契及信任，故拍攝時零尷尬，最辛苦反而是笑個不停：「我哋唔係焗蟹，係直情笑咗出嚟。嗰場我相信所有工作人員冇一個係唔笑，馬明其實係冷面笑匠，佢唔需要做啲咩已經好好笑。」
Moon表示不介意飾演「誘惑擔當」：「因為同我本人愈唔似，愈有挑戰性，呢個係演戲過癮嘅地方。」Moon預告「之後會有更爆場面」；據知，劇中常以臥底身份查案的Moon，形象百變，除了有行政人員、白恤衫睡衣look、更會有拜金、模特兒及一樓一鳳Look。
廣告（請繼續閱讀本文）
Moon透露，監製對其角色要求是「婀娜多姿」，故她事前準備功夫是節食及做運動修線條：「Shadow係好亮麗嘅角色，所以我都要Keep住最好狀態，除咗表面要靚、要精神，仲要好fit。」
廣告（請繼續閱讀本文）
