作者: 飛叔
船麵是泰國傳統地道美食，相信很多人去曼谷都吃過，都知早已與船沒有關係，正如車仔麵現在都沒有車仔一樣。勝利紀念碑(Victory Monument)BTS站附近就有好幾間船麵店，因此被稱為「船麵一條街」。
由勝利紀念碑BTS站出口，經天橋繞過商場直行過去最尾，落到地下過了條溪河，就見到這條船麵街。
記得買定BTS一日票或可增值的Rabbit 卡:
這條街至少有五六間船麵店在此，以前都吃過其中一間，但已經唔記得哪一間了。幾間之中，以Rua Thong Noodle最多人排隊，當日目測排隊的以港台遊客為主，或者是睇過一些網站介紹吧，其實我認為幾間分別並不大，至少我吃不出明顯的差距，的而且確，幾間店在Google的評分都好接近，似乎各有擁躉。如果只旨在感受本土味道的話，是但去一間都無問題，唔好浪費時間去等位啦!
我就怕排隊，放棄左邊的Rue Thong Noodle，揀了右邊的Pa Yak Boat Noodle Shop!
望落環境都還算可以，便直接入去坐低。
大家都知船麵一般都好細碗，皆因舊時真的在船上賣，細碗就方便傳遞上岸，因此食客通常一吃就吃很多碗。
Pa Yak跟其他店一樣供應著十多款船麵，分大小兩種size，細的就真是一啖吃完，大的就有三四口的份量。
如果吃得下，可以叫勻十幾款，網絡上有不少人是這樣吃的，一次過影十幾碗，確實幾震撼的，但我食量不大，冇必要同人鬥，量力而為好了，就只點了四小兩大，另加添一碗炸雲吞。
款式之不同，主要在於食材、湯和醬汁。
我當日點的船麵有牛肉濃湯、豬肉濃湯、客家豆腐湯(Yentafo)、炸雲吞豬肉湯，兩個大的是魚蛋炸雲吞湯、豬肉丸濃湯。
六款之中，我最鍾意客家豆腐湯，有少少酸辣，好醒胃。
麵條揀了河粉，尚算幾粗身及爽滑!
食完六碗之後，已經好飽，加上好熱，再無戰鬥力去Encore，需要支可樂去解渴，留待下次試埋其他幾款。
我覺得這間的水準還可以，埋單也不用200泰銖，好抵食，可以一試，其實純粹風味搭夠，不用抱太大期望來吃會比較好。
Pa Yak Boat Noodle Shop
地址: Ratchawithi 10 Alley, Thanon Phaya Thai, Ratchathewi, Bangkok 10400
營業時間: 09:00 – 21:00
#曼谷旅遊2023
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung