購物最緊要方便，潮流資訊及電商平台Hypebeast(00150)旗下網上購物平台HBX嚟緊居然賣埋CD，真係估你唔到喎！該隻CD係新晉唱作歌手Gareth T. 湯令山首隻碟「TO BE HONEST」，據悉限量發售約3,000隻。
HBX賣開潮牌、潮物，網頁上都係衫、褲、鞋、襪、袋等服飾為主，都有少少精品公仔、家居用品嘅。依加連音樂都賣埋，真係照顧你生活所需。
廣告（請繼續閱讀本文）
成個頁面成個寧寧舍舍得隻CD，放得上HBX賣，唔知係講緊隻CD屬潮物，定係個作者係潮流人物兼型男呢？睇返個分類，屬於特別發售。
絲絲就最好奇，早排啲演唱價飛搶到網站死系統，唔知今次粉絲搶CD會唔會都整冧埋個購物網呢？不過網站平時有開畀潮人搶限量版波鞋經驗，希望頂得住啦！
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）