廣告（請繼續閱讀本文）
台灣天王周杰倫（周董）向來熱愛籃球嘅佢，同前NBA美籍華裔球星林書豪更係波友，不時約出嚟打波嘅佢哋，更成日晒家庭聚餐合照，2家人感情認真深厚。
廣告（請繼續閱讀本文）
而林書豪所屬嘅PGL新北國王，日前取得隊史首座總冠軍，並邀請咗一眾好友食飯慶祝外，更晒出一張自己同周杰倫、昆凌、台語歌后江蕙等友人嘅合照，其中於2015年宣布封咪嘅歌后江蕙，久未露面嘅佢更因凍齡有道嘅外表，以及充滿知性優雅嘅出眾氣質，令網友一度誤會係林書豪嘅老婆，認真唔知好笑定好嬲！
另外，林書豪亦將周杰倫稱為「周教練」，並感謝道：「他一整年一直在背後幫助了我很多，因為他，才能贏冠軍。」更大方晒出周杰倫6大奪冠秘訣：「球不用投進，帥氣的運球最重要！」、「投籃之後千萬別看球，就直接帥氣走掉，進就會有尖叫聲。」、「上籃和三分球太累了，中距離轉身然後fadeaway是最棒的選擇。」、「賽前不用聽教練，重點是聽我的歌。」、「如果遇上防守給壓力，傳給隊友讓他們解決！」、「防守真的超浪費時間，盡量抓緊這個機會跟球迷打招呼。」
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）