年又過年，又冇得去團年! 執筆之時才剛踏入臘月，以為開始要準備辦時貨，郤又開始第五波疫情，又係禁晚市堂食之時，即係好大可能今年農曆新年跟去年一樣又要在家渡過了，既然大家都習慣咗叫外賣，團年飯就唯有搞個在家中的外賣盆菜宴，應該都會幾高興的。
作者: 飛叔
身邊好多食家朋友都去過位於佐敦的神燈海鮮酒家，可惜以現時的處境，實在不能到此吃晚飯。好在神燈果然是神，有先見之明，早在新年前已推出外賣盤菜，仲可以免費送到屋企，那就足不出戶都可以過到年了。我就在過年前，已經提早在家吃盆菜「開了年」。
神燈的盆菜分6人($888)及12人($1,688)，細的對我來說已經足夠有餘。
盆菜送到時還是暖暖的，打開後，見到成個煲擺到滿滿的，並用鍚紙包住，如果不是立即吃的話，建議先放入雪櫃。
盆菜附送兩大包鮑汁，其實一包都足夠淋滿一盆，餘下一包可以第日用於其他煮食用途。
在翻熱前，先淋下鮑汁，然後用細火煮約15至20分鐘。
一煲豐盛的盆菜就可以擺上枱任人魚肉了!
說是盛宴，一點都無誇張到，內有十頭鮑魚、花膠、日本宗谷元貝、紅燒海參、蠔汁扣鵝掌等名貴食材。
其他食物還有海蝦、貴妃雞、鹵水鴨、紅燒元蹄、紅炆腩肉、炸蝦丸、花菇、蓮藕、支竹、雞髀菇、蘿蔔、芋頭等。
建議先吃海鮮，十頭鮑魚雖然有成五、六件，但都要先吃，你唔食就會俾人食咗啦!
大大隻海蝦和元貝
花膠和海參不算大件，浸在鮑汁後仍是很入味。
整隻元蹄十分軟腍，好滋味。
原條釀鯪魚最好拿起分開碟上，方便眾人分享。
鮑汁十分濃郁，用來拌飯就一流。
這個6人盆菜足夠至少四人吃，有剩的都不用浪費，我就留待到第二晚煮成鮑汁炒飯。
神燈呀神燈，如果你可以送三個願望，這刻的我只要想健康、健康和健康，其他的唔係唔重要，只要人還健在，明年再送我財富都未遲。
祝大家虎年都龍精虎猛，身體健康。
盆菜資料:
價錢﹕6人盆菜$888；12人盆菜$1,688
訂購及查詢專線：2866 6177 (需3天前預訂)
自取點：佐敦長樂街14-20號，18廣場地下及一樓神燈海鮮酒家
盆菜運輸：港、九、新界免費送貨（偏遠地區除外）
另加$88以優惠價購買賀年糕點
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung