前新城電台DJ林柏希(Will)年前投身餐飲業,目前在灣仔一間餐廳負責公關宣傳工作。林柏希近日在私人facebook帳號發文,炮轟某屆「香港小姐十強」的現職無綫女藝員,主動向其餐廳搲着數,要求以Instagram(Ig)出Post宣傳換取免費兩位用下午茶,惟事後沒兌現承諾。
林柏希指雙方事前傾好帖文不能出在Ig Story內,惟該名無綫女藝員事後卻在Ig Story出了一張只見背脊、不見餐廳Tea Set的照片。他的同事等了個多星期仍未見那位女藝員有任何動靜,遂Whatsapp對方追Post,對方不回覆,但當晚就在Ig上載了一張focus自己、將Tea Set糢糊化了的照片,並標記餐廳的名字。不過,當林柏希的同事翌日想將該則Ig帖文截圖作Media Clipping(媒體剪報)時,卻發現該名無綫女藝員已刪走了帖文。
廣告(請繼續閱讀本文)
林柏希指「一個Tea Set嘅價錢已經睇到佢嘅品行」,他又說︰「一個Tea Set值幾錢呀?原來你個朵就係值咁多㗎咋?哈哈﹗仲有,真係唔係我迫你出Post㗎,係你主動搲跟住自己應承咋,原來你嘅誠信只係值一晚。講真,我完全無嬲,只係覺得佢Cheap,好肉酸呀﹗後來我自己接手Check番件事,先發現原來佢係TVB Management嘅。你真係有權應承人哋出Post?仲有,咦﹗原來你個經理人,我其實識咗20幾年啦,你咁想食不如下次我請埋你同經理人一齊食囉,唔使你出Post添呀,唔好再用呢啲招數去其他餐廳呃飲呃食喇,真係影衰晒㗎﹗」
林柏希接受傳媒查詢時,就事件不願多提,表示發文只想提醒同業,不是要公審這位藝人。
(即時娛樂)
廣告(請繼續閱讀本文)
667942 擺得出來見報就是公審啦,你說不是就不是?話她cheap, 你又大方得去邊?你自己也說一個tea set 有幾貴?你可以記到今日,亦証明你都是cheap 精啫。況且她是有出post, 只是第二天已删除,你只是想 cap 圖而來不切啫。想靠佢的知名度來做免費廣告,若真要收你廣告費,你 100 個 tea set 都唔得啦。 mean 精。
2022年01月16日08:55
小氣男人
2022年01月16日09:01
顯示全部