【LINE你睇】網絡版陀地疑用「率真」食評屈食店俾錢 食評寫手連盆吉都慳返？

昨天澳門飲食界有一粒花生流傳到香港成為網絡熱話，就是某飲食博客疑似「收陀地」，私訊食店要求「贊助費」，否則就用「率真」食評伺候。

私訊內容是博客將會寫食評介紹該食店，希望收取$200至$500的「贊助費」，肯贊助自然會「執靚文案」，寫得好好睇睇；不肯的話，就會「比較直率」，以求對肯付錢的店家「公平」，言下之意似乎會寫衰。

事件發酵了近一天，該飲食博客仍是沒有任何回應，只是關閉了留言功能。
以下這位自稱與該博客單次合作的foodie就出帖割蓆。

花生歸花生，其實事件也有值得深思之處。面對勒索錢財的無賴，你會選擇曝光事件，還是會怕麻煩乾脆付錢？

【LINE你睇】每日精選網絡熱話，源源送上新鮮事，LINE你睇唔驚冇話題。