小時候每次要去學童牙科保健做檢查，都會嚇得神不守舍，記得見過有滿口蛀牙的同學仔需要動員兩個護士按住手腳被醫生杜牙根，場面都幾可怕。牙醫科學生如果用假人做練習，想當然體驗不到這類實況，日本新創公司Tmsuk就研製出這款名為Pedia_Roid的兒童機械人，用以模擬小朋友睇牙時的真實反應，讓牙醫科學生汲取更多面對兒童病患的經驗。
廣告（請繼續閱讀本文）
這台以5至6歲女童為設計藍本的兒童機械人，造價達到約153萬港幣，價值之所以如此高昂，因為她的像真程度極高。首先女童機械人的細節非常精細，有真實觸感，嘴巴、舌頭、瞳孔全部會動（更會翻白眼），面色就會轉白或轉紅，令機械人有豐富表情；機械人有心跳聲，可以為她進行心外壓，用針管刺進皮膚甚至會有「血液」流出，效果驚人。其次就是多變靈活的肢體動作，機械人可以模仿小孩尖叫、哭鬧、郁手郁腳、掙扎、打噴嚏，甚至可以模擬抽搐和心臟衰竭的急症病徵，不但對牙醫科學生有用，亦適合兒科醫生及其他兒童醫療相關行業作培訓之用。
*Follow us on:
‧ Facebook: 黃巴士親子天地
‧ Instagram: Yellowbus.com.hk
‧ Website: www.yellowbus.com.hk/
廣告（請繼續閱讀本文）