La famille🍰✨ ｜人氣精緻高貴 戚風蛋糕 款色多樣 猶如寶石般的蛋糕🌟｜

😆平時行過尼間蛋糕店，已經覺得好吸引。今次就趁住屋企人生日，俾個藉口自己，試咗幾款嘅小蛋糕，其實佢平均價錢都係50至$60 ，所以其實都唔貴。兩至三個人share就啱啱好啦😋

🤩香濃開心果

見到佢係人氣味道就即刻揀左佢☺️，平時都好多用開心果整嘅甜品或者食物，唔知今次味道點樣呢。外面有開心果口味嘅朱古力包圍住個蛋糕，上面有開心果碎，連蛋糕本體都係開心果味，雖然開心果味唔係話好濃，但係食真啲都有開心果嘅香味😚

🍵京都焙茶

焙茶嘅香氣都好足，蛋糕好鬆軟，最鍾意係蛋糕入面有黑糖嘅啫喱😍。焙茶濃度都好足，焙茶嘅苦味配上黑糖嘅甜味，完全係日本嘅味道，兩者平衡得好好😚。上面仲有兩粒黑糖口味嘅黑豆，滿滿嘅日本京都風🤩

🌰沖繩黑糖栗子蒙布朗

😋成個外型都好靚，見到上面滿佈栗子蓉，仲有一粒好亮面嘅栗子。味道方面忌廉配上栗子蓉同埋栗子味嘅蛋糕，真係好㗎，係細個成日食到嘅栗子味蛋糕升級版，推介💕

🍓王牌士多啤梨

成個造型都好靚，全部都係紅色，上面有一層好偷薄嘅啫喱覆蓋豬下面仲係士多啤梨在下面就係好濕潤嘅士多啤梨蛋糕。而入面就有好香奶味嘅忌廉。味道方面成個蛋糕都好濕潤，蛋糕本身都充滿天然既士多啤梨味，果然係王牌之選🌟

📍 La Famille (大埔)

大埔安邦路8-10號大埔超級城B區2樓218號舖

▼ Follow we2log

https://www.instagram.com/we2log/