叱咤903主辦的賀歲波「903 發 賀歲波」，昨日(5日)在車路士足球學校舉行，當中奪得金牌的「903 UNITED」就有林海峰、黃志淙、當奴、傑朱、阿強、Jeff、天欣@881、Agent L、香港足球代表陳肇鈞、蔡子濤、陳正勤、陳加邦及鍾景恆，並由丘建威擔任教練。當中余德丞更「戴帽」大演帽子戲法，不過勇戰受傷，在IG留言：「都好開心，但今晚冚被都痛，聽日都射波先。」
今場賀歲波除了「903 UNITED」，還有多位歌手及藝人好友分別組成「FC3」及「二月五號足球隊」。採用單循環賽制，共進行3場比賽，每場30分鐘，勝方得3分，負方0分，賽和各隊得1分，最終由「903 UNITED」奪金，而銀版則是集合音樂界台前幕後的「FC3」奪得，成員包括洪嘉豪、柳應廷@MIRROR、胡子彤、林家熙、吳肇軒、陳家樂、周志文、馬志威、黃溢濠、黃梓僑、李子俊、吳家偉、鄭敏、文國駿及香港足球代表蘇宸褕，由陳偉豪擔任教練。
至於奪銅牌的「二月五號足球隊」則包括有周殷廷、許賢、米爺、朱Mic、蘇致豪、贊師父、近南哥、文 Sir、Mario Hau孝仔、Ern9、含爺、狼少、良少、阿J、雞翼、香港足球代表范俊業及顏卓彬，由陳浩然擔任教練。而且賽事更有馬啟仁(Keyman)現場評述。
首場賽事「903 UNITED」對戰「FC3」，隊長林海峰、香港足球代表陳正勤及陳加邦各入一球，以3比0大勝「FC3」。第二場賽事「二月五號足球隊」對戰「FC3」，「FC3」由洪嘉豪及黃梓僑各入一球以2比0取勝。第三場賽事則由「二月五號足球隊」對戰「903 UNITED」，香港足球代表顏卓彬為「二月五號足球隊」先入兩球，但余德丞大演帽子戲法，連入3球，陳加邦再入1球以4比2反勝。
洪嘉豪賽後指:「守龍嗰個係職業龍門范俊業哥哥，其實細細個已經聽阿爸講范俊業有幾勁，今次有機會同范俊業踢波，我仲入咗個legend波，都覺得自己成為一個legend，真係好開心。」柳應廷(Jer)上次903 AllStar足球賽大演帽子戲法，對於今場未能入波：「今場試射咗4、5腳，雖然未能入波，都已經覺得好難得。因為我喺賽前定下目標，就係要入范俊業，但原來真係好難。」負責踢中後場的胡子彤說：「我今日盡力做防守同埋傳波畀佢哋，第一場發揮得唔係特別好，好多隊友都好少有正式比賽，相對綁手綁腳。第二場就調整好心態，好彩有教練陳偉豪幫手。FC3逢星期六就會練波，想每個星期嘅閒日都可以約一場友賽，我哋真係當一個球會去做，想有恆常訓練同比賽，同埋做school tour。今日係我哋FC3成軍後首場公開比賽，今日嘅表現係100分，因為第一次同大家見面，心態其實好好，而球技就會繼續努力練好啲。」擔任FC3隊長的林家熙：「今日嘅表現未如想像，畀自己70分，太多顧慮。Jan哥哥(林海峰)超勁，佢喺比賽中會隱形咁，但突然又會出現，以為佢踢緊職業。之後我哋FC3想報7人或11人聯賽。」