譚杏藍過大禮排場超誇張　幾十盒金器龍鳳鈪擺到落地

譚杏藍（小花）兩年前與拍拖十年的ToNick主音趙善恆（恆仔）分手後，不久公開新戀情，去年8月更宣布接受拍拖一年的圈外男友Ronald的求婚，兩人將於3月及4月舉行婚禮。今日正式過大禮，小花分享多張過大禮相片，排場非常大陣仗，單單龍鳳鈪都有十幾對，金器大晒冷有成幾十盒，認真誇張！

譚杏藍婚期在即進入最後直路，去年8月接受男友Ronald於日本浪漫求婚，今日在社交網貼出多張相片，簡單寫道：「滿滿的祝福，準備正式成為一家人啦！感謝各位幫忙」。

從小花分享的相片來看，收到的龍鳳鈪至少十幾對，大大小小的一盒盒金器放滿桌上以外，就連地下都繼續擺放，還有不少海味、水果、禮餅、椰子等等，一對準新人站在一堆大禮後面，排場超級誇張。

小花帖文吸引不少網民留言，當中有不少恭喜，亦有留言笑指男方做壞規矩，笑指：「開金行咁，好有米，嫁得好」、「啲禮就嚟多到張相唔夠位」、「面子工程」、「好誇張呀」、「好恐怖」。