林盛斌細仔扭傷手同房瞓影響紅館騷？超大主人房曝光引人妒忌

林盛斌（Bob）下月踏上紅館舉行棟篤笑《The Bobfather Finale 2025》，近日忙於應付紅館騷，但昨晚（22日）深夜突然發文自爆有事影響心情，原來他的細仔林道申因為扭傷手，不方便在房間擒上擒落，所以「Bob嫂」叫囝囝在他們夫婦間房睡覺至少一個月後，笑指這樣會無心機做紅館騷，但同時亦將夫婦主人房曝光。

林盛斌昨晚在社交平台分享了一張其睡房的照片，相中太太和兒子已經入睡，一個睡在床上，一個睡在榻榻米，而兒子手上綁了繃帶，他寫道：「細佬因為扭親隻手，唔方便擒上擒落，所以媽咪叫佢喺我哋嗰間房嗰度瞓，直至一個月之後隻手好返晒嘞，拆咗石膏先至返自己房瞓。」不過，Bob除了擔心兒子的傷勢外，還擔心自己的「福利」，寫道：「吓！咁咪即係成個月都唔可以……. 咩囉…..唔係啩，咁我會冇心機做紅館個show 㗎喎！」

Bob分享夫婦主人房相片曝光，其「豪宅」的主人房當然地方偌大，房內可擺放雙人牀﹑大型按摩椅和三個書架等，房間亦有足夠空間讓囝囝打地鋪，網民當然聚焦「豪宅」，紛紛表示妒忌。