Ray Online｜李家超北角視察　問外傭取食物

適逢北角東岸板道首段將於今個月26號開放，行政長李家超今日去視察，沿途同唔少市民傾談，了解「用家」感受，仲試食外傭準備嘅家鄉小食喎。

試食外傭家鄉小食

見到有外傭放假喺東岸板道聚會，李家超上前關心，用英文問佢哋今日係咪放假，點樣搵到呢個地方㗎？李家超留意到外傭準備咗小食互相分享，仲主動問可唔可以畀佢試一細啖，因為佢仲有漫長嘅一日要過。外傭介紹準備嘅係糯米飯，李家超評價話唔會太甜。

李家超同大人細路都有傾偈，佢向一家四口家庭解釋，興建東岸板道設施，係希望例如中秋節嗰陣，為家庭活動提供更多空間。佢留意到女童有箍牙，「自爆」自己都有箍過牙。李家超又向另一家人話，自己曾經都住過北角。遇到一個學生，李家超問對方最鍾意咩學科，學生話鍾意科學及音樂，特別鍾意彈鋼琴。李家超回應話香港需要科學人才，彈鋼琴都有好處，可以訓練手腳協調，希望佢可以彈多啲畀父母聽。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)