由試跑員一號 Ryan、二號 Gabriel 及 Peter 所組成嘅推廣跑步團隊「Why not Run?!」，行徑一向不依正路出牌，由街跑活動系列「飲跑食醉」、網上節目「咩跑會咁巴閉」「跑完食乜好」，以致100公里慈善路跑活動「Why not 100」，總係出奇不意古零精怪但又別出心裁。亳無章法嘅佢哋，最近再獻新猶，亦再次讓人驚喜，竟推出首個自家運動服系列 -「Running is Boring」，明顯秉承「Why not Run?!」一貫嘅反諷兼黑色幽默。
以為純粹呃like嘩眾綽頭嘢，睇過實物方發現有心有愛有質素，整個系列以一深一淺嘅藍灰兩色作為主軸，細心地照顧到喜歡深色系或淺色系嘅跑友。單品包括帽、襪、背心及短褲，由造工以致布料揀選均一絲不拘，背心嘅上乘布料 (近期大 hit 嘅 Recycled polyester + spandex) 尤其出色，短褲腰封部份隔數特多且收納能力極強，500ml 軟水樽加大芒電話之收納已屬基本要求。襪嘅設計應該係最富玩味嘅 item，左右雙色配搭，玩嘢踏實兼備。
讓人更喜出望外嘅係是次系列宣傳照竟由試跑員一號及二號擔當model，收起平日嘅嬉皮笑臉認真地chok一次，宣傳照中無論男女model 均一臉木訥，斷估應該係要配合主題「Running is Boring」
聽講佢哋已籌備緊大概喺12月中舉行嘅「Running is Boring」launch party，優先訂購是次系列產品嘅朋友有機會獲邀免費出席，大家要留意喇。
與 Peter 之簡短對談 :
點解會有推出自家運動服系列嘅念頭呢 ?
P : 其實一直都想做，只不過怕做出嚟無人買，純打J就無謂啦。你覺得而家就會有人買 ?
P : 又唔係，一來好彩搵到間廠嘅 moq 唔算多，都食得起，咪試吓囉，二來氹到一號二號兩條傻仔落搭吖嘛。真係無人買咪送俾 friend 或者俾老豆做睡衣囉。點解成個系列會做一深一淺兩隻色系呢? 係想照顧到喜歡深色同淺色嘅跑友 ?
P : 唔係喎，我鍾意深色㗎，但Gabriel 鍾意淺色，呢啲嘢無得拗㗎嘛，咪深淺色都做囉，無交嗌啦 !係咪會有 launch party ?
P : 係呀，但其實我只係想大家都著住我哋套衫出嚟影張大合照，再放上 social media，應該都呃到一百幾十個 like 卦 !點解主題叫「Running is Boring」?
P : 因為跑步真係悶㗎嘛 !
儘管再一次展現「Why not Run?!」嘅「唔知佢哋講真定講假」嘅玩嘢風格，
但佢哋每一次唔依套路嘅神經刀還是讓人期待的。
「Running is Boring」產品預訂 : https://www.why-not-run.com/
The post Why not Run?! 自家系列 | RUNNING is BORING 接受預訂 appeared first on Fitz 運動平台.