2013年香港小姐亞軍蔡思貝擔任TVB節目《與天地對話》的嘉賓，在昨晚（11月25日）播出的一集中，思貝提到自己從小個性孤僻，試過全家人出門落街後，才發覺「漏咗個女喺屋企」。思貝於13歲隻身遠赴新西蘭升學，由於就讀寄宿學校，需要排隊打長途電話回港給父母，說到此不禁眼濕濕：「有時傾得耐會畀人鬧，好掛住咪傾耐啲…」。
廣告（請繼續閱讀本文）
直到22歲回流香港，蔡思貝參選港姐並展開演藝事業，她直言初時選港姐「唔識驚」，後來對自己有目標、有追求後，開始擔心自己會失敗和失望。她主動重提入行兩年便在劇集《衝線》擔正女主角，惟演出負評如潮，思貝曾一度擔心未能滿足觀眾要求。她又透露已有一整年時間沒有拍劇，並坦言懷疑人生：「呢一年我冇休息過，希望喺各方面有進步，我好深信會有好正嘅角色等緊我。」
蔡思貝在節目中體驗在「龍血樹森林」露營看日出，又跟原住民參觀居住環境，並對當地女性原住民披著面紗仍能遇到真愛大表驚歎。思貝亦自揭有容貌及身形焦慮，莫講鏡頭後素顏穿T恤，有時連full make up造型也會有類似感受：「係咪少少瑕疵都唔容許（自己好）呢？下下都會挑剔自己唔夠好……」。
廣告（請繼續閱讀本文）
蔡思貝直言初入行時，曾一度壓力大至出現幻聽及幻覺，瞓上床後竟然會聽到「Roll機，3、2、1，action」；亦指曾有一年台慶過後，她準備駕車回家時在停車場內崩潰爆喊：「好攰，見到好多人嗰種心理壓力好大，嗰次好似失咗控咁，都幾深刻！」
廣告（請繼續閱讀本文）
