廣告（請繼續閱讀本文）
藝人戴祖儀與薛家燕主持無綫節目《麻雀鬥室三缺一》，祖儀受訪時自爆：「喺英國留學嘅時候學識打麻雀，而人生第一次食糊竟然係十三么，所以自己同麻雀好有緣。依家打麻雀即使幾隻牌在手，我都一定做十三么！」
她笑言自己經常於工作室與助手及拍檔們「開戰」，她笑說：「Oscar（歌手涂毓麟）牌品最好，即使輸好多都唔會發脾氣，又畀我哋『三娘教子』，所以如果有好女仔，我都會介紹畀佢。（佢唔係你杯茶？）佢內心都大男人，鍾意啲小妹妹，而我就比較喜歡大哥哥。（輸錢畀你，博牽紅線？）係喎，可能真係媒人費。」
薛家燕表示今次節目預計錄影12集：「每集錄影都好耐，好似尋日，我哋錄咗一個對（12小時），期間睇人打牌都好緊張刺激。我哋除咗請好多藝人做嘉賓外，仲搵到啲高人亮相，有啲仲好好生，原來疫情期間好多人匿埋喺屋企打麻雀，打出心得。（開工掛住孫仔？）梗係，我屋企裝修，我暫時搬咗去酒店住兩、三個月，我新抱每個禮拜都會帶孫仔嚟探我，佢聽我唱《皆大歡喜》會跟住牙牙叫，遺傳咗我嘅天分，學行後教埋佢家傳十字步。」
廣告（請繼續閱讀本文）
東網網站 : https://on.cc/東網Facebook專頁 : https://www.facebook.com/onccnews/