【今日直擊】陸浩明在日前播出的節目《#後生仔傾吓偈》內,錯講香港是2003年SARS的病毒源頭,因此引起網民不滿。陸浩明今日於電視城為此公開道歉,並為自己令媽咪擔心而爆喊,「我都想借這個機會同觀眾及各位朋友,就我在《#後生仔傾吓偈》講錯了『香港是SARS病毒的源頭』致歉及糾正。當日做節目是有疏忽及不小心地方,講了錯誤的資訊,及後我雖然有講過話病源是來自廣州一位教授,不過糾正得不夠清晰和明確,所以引起大家誤會,無解釋番病毒源頭並非香港,所以想糾正資訊給大家。我做節目原先想表達的想法,香港是SARS大型爆發的地點,無奈我在節目講錯了,有口誤,如果牽動到大家情緒,令到大家有唔開心、傷感的感覺,我向大家深深致歉及講對唔住。經歷這一次事件之後…自己處理節目內容會更加審慎,更加小心,我自己和《#後生仔》一眾工作人員都想同2003年SARS及如今為抗疫的醫護人員講句多謝,因為他們為我們貢獻及犧牲,是保護了我們香港市民,我自己亦希望香港及世界各地的疫情盡快完結」。
追問他昨晚的心情?他哽咽並落淚說:「其實兩晚都唔係好瞓得著…我瞓唔著都唔緊要…不過最…因為我媽咪睇到都…好擔心,咁我同佢講無嘢,我們做幕前預咗要處理這些事情、新聞,我話你唔好擔心…所以我最唔開心,唔係人哋點批評或者講啲乜嘢,反而是令屋企人擔心同唔開心。(有無工作因此受影響?)希望無,我都希望唔好影響到廣告客戶,我自己都會傳短訊給他們講聲唔好意思。(網民有否在代言廣告中留言?)明白他們要批評或想抒發的事,是有他們的自由去任何地方講,我唔開心一定會有,但無奈自己在節目內糾正、澄清得唔夠好,作為一個公眾人物要面對這個責任,所以今日好好,有個機會畀我致歉及同大家交代。」
就陸浩明於《#後生仔傾吓偈》內,錯講香港是2003年SARS的病毒源頭,通訊辦接獲逾600個投訴。
(即時娛樂)
🐱卡邦 同肥媽一樣亂up24
2020年02月17日10:37
➻花落幸村/幸❁くすのき~乙喵(抹茶喵) 你係經歷過、這個口誤不正是你侮辱左因為沙士去世的白衣天使、所以無人會可憐你
2020年02月17日10:35
西門 講錯說話乃人之情,知錯能改善莫大焉已經喺最好嘅補救方法了,6號雖然係屬於公衆所識嘅藝人,但亦無需要特意配合現今所謂嘅娛媒比借口佢哋去製造一種嚴重到似是"講錯說話就非必要人頭落地,躹躬道歉,嘩衆取寵" 嘅特別效果吧!!!
2020年02月17日10:15
🌀LEONNOEL🌀 做節目講錯野係7左d,但講左句野姐,唔洗好似犯左彌天大錯咁啊?香港呢個社會真係好悲哀,同地獄冇分別
2020年02月17日11:13
peter 廢架40 歲仲喊
2020年02月17日11:02
顯示全部