陳振華老婆數臭為北姑拋妻棄女 怒爆家暴玩失蹤借錢走數惡行

印度裔香港演員陳振華曾拍攝過無綫多部劇集，在《金宵大廈》飾演鄧佩儀男友Raj而人氣急升，操得一口流利廣東話嘅佢為養妻女，客串電影又炒散當髪型師，一個好爸爸形象。不過陳振華老婆Alison今日撰千字文怒斥他偷食北姑隔空要離婚，拋低家庭唔顧，失蹤一年更取消公屋令妻女流離失，力數陳振華唔畀家用、借落一街街數、虐打女兒等惡行。

文：東方新地

陳振華太太怒斥好爸爸好演員全造假

現年37歲的陳振華（Ricky）是土生土長的香港人，父母是印度人，07年經同鄉喬寶寶介紹下加入娛樂圈，拍過五十多部無綫電視劇及客串電影，有無綫綠葉王之稱，17年又為ViuTV真人騷《兩面不是人》，在《金宵大廈》中飾演鄧佩儀男友，因演技及說得一口流利廣東話而被受讚賞而入屋。陳振華接受訪問時透露家有嬌妻及一女，為了擔起頭家，抄散做搬運工人及髮型師，在工餘時間幫助基層為癌症患者義剪，形象健康又正面。不過今日陳振華太太Alison發表千字文怒揭其實實一面，斥陳振華結識北姑後而拋妻棄女，不但冇畀家用，玩失蹤達一年更取消公屋令妻女流離失所，令二人冇屋住流離失所，Alison更力數陳振華多年借妻女建立好爸爸形象全是假象，數臭對方將女兒的學校生活津貼都攞走，令女兒冇學費交要退學，更反咬太太玩抺黑，又爆曾虐打女兒，又欠落一身債，又爆他未紅先驕，工作態度差不時推job不願工作搵錢。

妻女冇屋住冇飯食靠朋友接濟

陳振華太太Alison怒斥他為上大陸搵北姑，把多年來女兒的利是、朋友的接濟的公等等都拎走，妻女冇飯食都唔理，反抹黑太太狂使佢啲錢，太太忍無可忍鬧爆「你有冇人性？」連個女的學校津貼都擸埋，令女兒冇得交學費而被逼退學冇書讀冇飯食，搞到妻女要朋友「比碗飯我同個女」。

工作態度差推job唔願撈

唔單止對妻女不顧，陳振華太太又爆他未紅先驕，以為自己是大明星玩推job，工作時亦極不配合，太太為他建立社交網吸納粉絲建立好爸爸好演員形像，但陳振華不但沒有感恩，工作態度極差，試過同Joey拍廣告因時間長而發老脾。Alison又表示：「你登台係女都撩又身體接觸，咁我都唔係盲㗎！一個瞓係自己隔離嘅人180度變我唔會乜都唔知吓話！」又說明怒插陳振華的原因是隔空叫Ricky回港辦理離婚：「本來冇得罪你，只係因為你自己有北姑而分開，你都可以癲到連公屋都特登取消埋唔畀我同個女！係你當咗自己大明星之後就去叫雞呀！收嘴唔好再抹黑我同個女！同埋麻煩盡快回港辦理離婚手續！」

隔空要求離婚

續爆陳振華經常借妻女扮好爸爸好老公，但其實一切都是假象，對女兒極差，試過打到女兒流血，留低女兒獨留餐廳等，陳振華太太最後作出聲明割席指本人跟陳振華冇再聯絡，債主不要搵她，因為她也是受害人：「本人跟件垃圾香港印度裔演員陳振華先生早已分開，並沒有見面及聯絡，佢最近喺出面周圍問人借錢走晒嗰啲數與我無關，我建議咁多位最近不約而同地曾經搵過我嘅受害人報警。」

網民回應：我認錯咗呢兩公婆⋯⋯

對於女子單方面的指控，有網民認為唔使跟車太貼，不過大部份網民都認為男方唔啱，有網民更表示認識陳振華，私底下玩過啤牌「都覺得佢爛賭」⋯⋯更好笑係有好多網民認錯陳振華夫婦係喬寶寶同謝安琪！