【6號講錯嘢】誤講沙士源頭係香港 麥明詩護航︰佢係曲掛...

陸浩明在《#後生仔傾吓偈》中，一時講錯「因為香港係嗰個病毒（沙士）嘅源頭囉」，雖然獲馮盈盈即時糾正，他亦在網上多次出PO道歉，但網民拒絕收貨，指他的道歉文沒有清楚指出說錯哪一句，認為他有責任向公眾澄清。

已經離開該節目的麥明詩在「煮家男人 Bob's Your Uncle」留言︰「 以我對6號嘅認識，佢係曲掛…」嘗試為6號解畫，惹來網民圍剿，有網民認為沙士一事，為港人帶來悲痛，不能以一句「曲」去解釋。其後麥明詩再留言說︰「我唔知，我們以前一齊工作時，他很多時提供到有用資料，所以不能相信他會這樣說，利申︰未看原本的片段。」

可惜6號口誤片段，在TVB網上重溫時，已刪除。從網上的片段所見，當時6號說完「因為香港係嗰個病毒（沙士）嘅源頭囉」，有後生仔提出質疑，6號再答道︰「係呀，你唔知咩？係因為有個廣州人喺內地食…」之後在旁的馮盈盈說︰「唔係，係佛山某個男子，佢處理過或食過野味，嚟到香港，住過個酒店，咁啱嗰層十幾個中晒十個，其中一個女仔喺裏面，返咗加拿大就帶咗過去美洲，然後中間有啲人又返咗去淘大花園，咁就…」在盈盈陳述時，6號在旁不時表示認同。