【搵食CONY】實試人氣海鮮火鍋速遞　足秤阿拉斯加蟹送上門

正所謂「辛苦搵嚟自在食」，但隨著限聚令和禁堂食令實施，大家難以在外享受各種餐飲體驗，或與朋友聚會放鬆一下。心情keep住蹦緊，漸漸形成所謂「抗疫疲勞」，好彩嘅係香港地選擇多，近日冒起嘅美食速遞花款多樣，留家抗疫都可以食好啲。當中海鮮火鍋尤其受歡迎，今次CONY為大家實試咗一間人氣網店，睇下佢哋海鮮質素如何！

海鮮小店化身走勻18區網購店

現名為「Seafood.HongKong」的海鮮網購店，本是一間位於天水圍賣海鮮的小店，早前他們一改行銷策略，主打海鮮網購，除以新鮮足秤海鮮作招徠，網店更設凌晨2點截單，第二日下午便送貨的服務，而即日落單如有貨的話都照送，對比坊間其他最少早一日下單的美食速遞，此店效率算是十分高。

自選經濟套餐或豪食長腳蟹

網店設有2至8人海鮮套餐供選擇，價錢由$498起。佢哋亦會配合不同節日和時令推出限定套餐，例如近日就有「松葉蟹套餐」。除咗經濟套餐，阿拉斯加長腳蟹和臂長瀨尿蝦更係佢哋生招牌，連明星網紅都追捧。因此今次CONY訂「四人海鮮套餐」之餘，都訂了阿拉斯加蟹，同家人食好啲、食豪啲。

四人海鮮套餐包括：

CONY第一次在家食原隻長腳蟹，發現原來要蒸熟佢都要唔少工夫，提提大家想食嘅話要肯定屋企隻鑊夠大，同埋蒸完記得要等蟹冷卻咗先好拆肉，唔係嘅話精華就會流走晒。 

總括而言，今次訂購嘅海鮮都十分新鮮，而且份量足，如果好似CONY咁幾個女生食，4個人都未必食得晒成個餐。在眾多海鮮中，CONY特別推薦龍蝦、花甲和蟶子皇，一來鮮味十足，二來出面用同樣價錢未必食到如此質素，性價比高。不過就建議有時間嘅話可以自備其他火鍋配料，因為揀淨海鮮會平$400，咁就可以自行購買更多心水配料。而如果夠人多，又想食豪啲獎勵下自己，不妨加購阿拉斯加長腳蟹，不但打卡滿分，味道更令人難忘。

seafood.hongkong
訂購詳情：https://www.instagram.com/seafood.hongkong/