袁嘉敏拍片首談鍾培生父子 否認收過百萬金援：佢未出世我已經做緊嘢

現年38歲的前港姐袁嘉敏今年在4月1日無預怒斥鍾培生父子是人渣，大爆收到對方提出的古怪要求，引發全城熱議，她近日於YouTube頻道拍片回顧2022年的新聞再重提事件，更首次提到與鍾培生的關係。

袁嘉敏在片中回應網民指她處心積慮將舊相留到愚人節才公開，她指自己根本不記得當日是愚人節，對她來說4月1日一直是哥哥張國榮的日子，懷念了很多年今年終於放低了有個新開始，她冷靜解釋做了十幾年公眾人物從未公開講別人是非，但當時因為唔開心喊得犀利而失去理智，袁嘉敏澄清並未稱對方為「人渣」，提到「jerk」只是「衰人」的意思，大方認錯，稱到了這個年紀應該更成熟處理事件，不過就再補充要帶眼識人：「最大嘅錯都係我啦，其實我應該揀得好啲，即係揀朋友，揀人做朋友要揀得好啲，同埋就真係放低咗戒心囉，搞到自己幾傷心同埋嘥咗幾多時間，咁呢個都係我嘅錯嚟嘅。」

至於公開的截圖，袁嘉敏表示未見過鍾培生咁高，出於好笑才截圖，又透露與對方關係轉變的過程：「其實嗰陣就有人主動嚟搵我，就話鍾意咗我好多年咁樣，終於想識我啦咁樣。一開始其實都覺得唔啱㗎啦，因為真係大家個諗法啊性格都好唔同，咁就希望慢慢轉化咗變咗係一個即係細佬咁樣啦，咁但係係咪即刻轉化到呢，就唔係，亦都唔係咁容易轉化囉。」

袁嘉敏在片中指這段關係「100%由人哋提出、由人哋主導」，坦言香港是個較實際的城市，知道有時意識形態就是「有錢嘅男人就係筍盤」，但強調她比較注重彼此的性格及想法是否合拍。袁嘉敏全程表現輕鬆，面帶笑容，似是已放低事件，她之後再讀出有消息指鍾培生曾對她提供過百萬經濟援助，袁嘉敏霸氣表示：「佢未出世我已經做緊嘢。」她解釋爸爸媽媽有生意，自小就會幫手，13歲亦開始做幾份工，一路都習慣靠自己：「無話渴望人哋去幫太多，其實講真我性格本身係好怕人哋成日都講錢嘅，下下都講錢呢，嗰啲人我係好驚㗎。變咗今次係幾可惜啦，好似出到嚟嗰個感覺係我貪人哋錢，我下下同人哋講錢咁樣，其實就真係唔係囉。」