車主貼大字報出奇招避免抄牌 網民爆笑：應該死得仲快 ！抄定唔抄結果大公開！｜玩樂熱話

近日疫情大爆發，不少港人都儘量不出門，尤其檢測出現初步陽性的市民。Facebook群組「香港抗疫關注群」就有人貼出一張有趣的照片，有谷友拍攝到一位車主在擋風玻璃上貼上兩張A4紙，用奇招避免被警方抄牌，到底紙上寫咗咩，最終又避唔避到抄牌呢，即刻睇睇！

車主貼大字報出奇招避免抄牌

疫情嚴重，不少港人選擇留在家中防疫，近日在Facebook群組「香港抗疫關注群」有人貼出圖片，圖中可看見一輛汽車，擋風玻璃上貼上了兩張A4紙。紙上寫著的「啊Sir 您好：車主因確診新冠無法入錶，返唔到工冇糧出已經好慘，請啊Sir手下留情，謝謝！」、以及一張由護生防護中心發出的SMS截圖，該位車主似乎曾前往檢測站進行檢測，內容為新冠檢測結果初步陽性，更附上了樣本瓶及證件號碼，令紙上的內容似層層。

網民爆笑：應該死得仲快 ！抄定唔抄結果大公開！

網民看到圖片不得不佩服車主的創意，雖然同情紙上的內容，但認為無阻警方抄牌，更認為聲明反而讓警方可以「每日可以定時黎抄」、「通常會抄得多啲」、「應該死得仲快」，籲他唔好存在咁多幻想。

咁結果有無被抄牌呢？登登登登，是已經抄咗一張啦！雖然有部分網民覺得「好慘呀不如唔好抄啦」，但最終結果還是被抄了牌；不過也有人表示如果貼兩張紙就不抄牌，可能成條街都會是違泊車。