洪卓立（Ken）去年開始於內地舉行《The Other Planet巡迴音樂會》，日前來到中山最後一站，現場3000個座位爆滿。不過開騷前Ken患流感，禁食89小時後不但沒減磅，反而「報復式反彈」增5kg（11磅）﹗
廣告（請繼續閱讀本文）
為了以最佳狀態見Fans及演出，Ken開騷前地獄式禁食，不過89小時完結後，隨即患上流感，食藥食到水腫之餘，原本減掉的4kg（8.8磅）唔見影，更「賺」多5kg！Ken苦笑道：「餓完又病，病完又脹，好彩開騷前調整得切。」雖然Ken帶病上陣，但完全沒有影響表現，粉絲亦十分「貼心」，將現場短片標記為「重感冒版」，十分搞笑。
音樂會期間，Ken跟歌迷互動傾偈時，歌迷問到這次巡迴後，什麼時候再見面，Ken邊說邊突然「痰上頸」，最後忍不住自嘲：「好煩呀嗰篤嘢！」全場大笑。除了跟「嗰篤嘢」搏鬥，開騷前又發生小意外，一條5厘米頭髮插進Ken眼內，搞到成場騷眼紅紅，認真「禍不單行」。
完成巡迴後，Ken表示先醫好重感冒：「之後就準備錄新歌啦。」這次巡迴走勻東莞、江門、佛山及中山，雖然最後遇上小插曲，但粉絲表示看得開心，又大讚Ken表現專業，為巡迴音樂會劃上完美句號。
廣告（請繼續閱讀本文）
（即時娛樂）