無綫靚女主播被字幕陰到將大衞讀成「大衝」　網民：不如叫大衝碧咸！

無綫新聞主播時有蝦碌，日前無綫新聞晚間時分，由主播陳語翹報道一則體育消息，講到德甲禾夫斯堡對基爾的賽事，當中提到「基爾的大衞施卡接應角球頂入」，但陳語翹將大「衞」施卡讀成大「衝」施卡，就令網民覺得十分搞笑。

翻查片段，她當時其實被字幕陰到，加上相信陳語翹本身冇睇開波，見字幕寫「衝」就讀「衝」，是無心之失，卻想不到被網民錄低影片瘋傳，更開始接龍說：「大衝施卡幾衞得」、「大衝碧咸」、「大衝韋拿」、「大衝像」、「王家衝」、「衞力射球」等等，不過有網民卻認為大家應該因一事而開心，估計因為「衞」跟「衝」的速成碼都是「竹弓」，所以才會打錯，他們表示：「打稿嘅竟然未被用拼音輸入法嘅人取代晒😮」、「其實應該仲要開心， 至少佢哋打字仲用緊倉頡系…總比叫大偉/圍等好！」不過都有網民推薦撰稿員放棄速成轉打倉頡，這樣就不會錯。

東網網站 : https://on.cc/東網Facebook專頁 : https://www.facebook.com/onccnews/