周嘉洛攬住陳瀅慶祝生日否認拍拖：佢唔係咁容易溝㗎

《愛．回家之開心速遞》一眾演員今日（12日）出席劇集宣傳活動，預祝感恩節將到，熊家成員為「根叔」劉丹揼骨、腳底按摩兼餵提子，其中有份幫劉丹按摩的表示，家中亦會幫媽媽按肩頸，笑指曾經為女友按摩肩頸，但強調都是以前的女朋友，又表示現時單身沒有女朋友，「我和陳瀅本身是好好朋友。陳瀅唔係咁容易溝㗎！」

早前周嘉洛出席緋聞女友陳瀅的生日，二人還相擁合照，周嘉洛強調對方都有攬住其他人影相：「都是好朋友，同埋我哋船上都好多人。」近日他在社交平台大騷肌肉照，又指自己當時練大隻是為了拍劇集《武林》，但現在沒再操肌就保持不到。被笑指練絲大隻是否用來追求陳瀅，周嘉洛說：「陳瀅唔係咁容易溝㗎，點能夠話操得大隻就溝到佢㗎，陳瀅係一個好有深度嘅女仔嚟，佢唔係咁膚淺睇表面嘅。不過最主要我係冇呢個心，首先我要釐清同陳瀅嘅關係先，撇除我哋係冇嘅。」

至於周嘉洛及陳瀅上年所拍的劇集《痞子殿下2》慘成倉底貨，上映無期，他說：「其實我都唔知套劇會幾時出街。同埋我絕對唔怕會成倉底貨，因為好嘢唔怕等。」

被問到好友朱敏瀚同陳曉華緋聞？周嘉洛說：「呢個要問番佢哋，我諗佢哋應該是好朋友，以我認識。」提到周嘉洛、朱敏瀚及張振朗有個「救救朱敏瀚」群組，幫他解決衣着問題，周嘉洛詐傻扮懵扮不知道，後來又指其實朱敏瀚不需要打救，他的衣着風格已經好前衞。談到會否考慮加陳曉華入群組？周嘉洛說：「我同佢好疏，完全唔知！（同陳瀅比較熟？）咁一定啦，熟好多。」