富咸龍門賓特利奴接受圖片報訪問講到點解無入選德國國家隊大軍名單，利奴就話「我同國家隊教練拿高士文同埋龍門教練傾過，佢哋話畀我知可以入選國家隊，但係就無上陣機會，所以我選擇留喺倫敦繼續接受訓練😉。」
利奴又話「拿高士文知道當佢哋需要我嗰陣，我就會出現，並且可以為球隊帶嚟幫助。我32歲啦，已經唔再係新人，我從來無係紐亞同特史特根上陣期間提出任何要求，我一直努力做好自己工作，從來都冇投訴過🙂。」
廣告（請繼續閱讀本文）
呢位德國🇩🇪龍門最後就話「我係德甲、英超同國家隊踢過唔少比賽，拿高士文已經好清楚我嘅實力。對我嚟講，為德國國家隊效力永遠都係我嘅榮幸，永遠都係我嘅目標😎。」
▼Follow足球仁
Instagram:https://www.instagram.com/football_yern/