觀眾眼晴是雪亮 投訴人賊喊捉賊 東張西望為民請命惹反轉效果

1.東張西望近期越做越大，不過佢哋打住為民請命嘅旗號，近期有多個case播出街後，結局後續都大反轉，成為投訴人賊喊捉賊的罪惡溫床！

2.先講因為上節目而爆紅嘅何伯同新何太 ，佢哋原本哭訴仔女搶錢兼反目成仇，堅稱忘年戀是真愛，曬命曬到全城熱議！節目原意想幫何伯攞返公道，但係事件峰迴路轉，何太被連番踢爆，一早已開班傳授釣金龜秘技，近期還開始露出疑似虐老真面目。

3.有網民直言，「一早知何太為錢啦，點解東張西望訪問人之前唔fact check咗先？」、「如果想知事件真相係點，同節目嘅嘢相反就啱架啦！」

4.講何太講到口臭，之後廖孖記又同樣瀨嘢。廖孖記因被食安中心抽驗瓶裝腐乳，發現含蠟樣芽孢桿菌，較標準超出三成，當時老闆廖太主動上東張西望申訴，投訴食安中心報告導致廖孖記名譽掃地，仲諗住結業。廖太理直氣壯希望當局能承擔責任，公開澄清事件。

5.兩個星期不到，識玩的食安中心再公佈第二次檢測結果，顯示樣本每克含130萬個蠟樣芽孢桿菌，超標12倍。事實擺在眼前，廖孖記最終結業。事件後唔少網民都話東張盲撐個案事主，為收視唔查清楚。

6.不過東張西望懶理網民指控，繼續東張西望撈投訴人。上月就播出陳女士聲稱「被銀行呃咗兩萬七」事件，簡單而言就係話陳女士個女透過櫃員機入咗3萬蚊，點知到帳得返3千蚊，除左報東張，仲真係報埋警。

7 最後警方調查發現：銀行冇出錯，錯嘅係陳女士女兒。佢亦於節目播出一星期後去警署自首，承認自己用app修改入數紙嘅金額。

8.大批網民即刻話印證咗「東張果然係新一代燈神」、睇嚟東張西望成為電視界蕭生的時日不遠矣！其實出現呢個結果都好簡單，為收視而無fact check，將被告變原告，最終都逃不過觀眾雪亮的眼睛及真相！

▼Follow 娛頭
Facebook: https://www.facebook.com/profile.php?id=61554772610166