無綫無劇開 海量新演員亂入《愛回家》 「一人有一句對白」

1.TVB長壽兼王牌處境劇《 愛回家之開心速遞 》，日前又傳出停播消息。據悉， TVB 主席許濤早前急召全台經理人合約藝人開會，談及公司業務方針。當中許濤提到由於內地業務收入大增，希望旗下藝人可以多返大陸搵食；並停拍愛回家以提升劇集質素。

2. 愛回家是鎮台之寶，公司高層大派定心丸，「該劇在過去七年中，藝員和劇組人員幾乎沒有休息」，趁奧運期間有畀劇組製作存貨，及休息下，「這只是對長壽節目的正常製作進行調整。」

3. 事實上，《愛．回家之開心速遞》由2017年播出至今已超過2300集，過往曾多次傳出停播消息。其劇情問題亦醞釀一段時間，唔少網民都多次討論劇情冇新意，「又係誤會引致，重重複複的劇情」、「編劇係咪度唔到橋，開始要派膠劇情」。

4. 除咗劇情重複同不斷翻炒，重點成員不斷離開，臉目模糊的新血緊接加入，演員名單越嚟越長，搞到觀眾都有面盲症，分唔到邊個打邊個。

5. 兩個月前愛回家換上新主題曲及片頭，並加入多個新人，特別是一批批的港姐！除了港姐冠軍林鈺洧 以「港版羅拉」姿態殺入愛回家，另一位曾經陪曾志偉到珠海出席活動嘅港姐邵初 ，亦極速上位，被欽點加入劇組飾演律師。

6. 明明劇中公司接龍只得王朝馬漢張龍趙虎，最新劇情突然加埋四大名捕，由四個不知名的新演員擔演。角色花多眼亂，人人匆匆走出來講一句對白又彈走（例如演技幼嫩的林鈺洧），角色就如過鏡間場（都咪話唔方便）！

7. 有行內人歎嘆，TVB愈來愈少自家劇開，大多演員都開工不足。有得塞入愛回家講兩句對白，試下邊個可以彈出，都不失是權宜之計。

8. 睇返愛回家最近又轉玩法，減低無聊，加強連續性及認真劇情，但又被歡眾指沉悶，進退失據，大家又想唔想繼續睇落去？

▼Follow 娛頭
Facebook: https://www.facebook.com/profile.php?id=61554772610166