梁嘉莹否認黑面兼撞開倪樂琳 呼冤稱冇發表過「買獎論」

出爐港姐冠軍倪樂琳、雙料亞軍梁嘉莹、3料季軍楊梓瑤以及友誼小姐王汛文，今晚出席汽車公司領獎活動。

梁嘉莹當選亞軍後接連惹是非，被指疑似買獎以及人品差，有「小紅書」網民爆她日前出席內地中秋活動時的表現，當時倪樂琳向圍觀粉絲，做出心心手勢，湊巧在她身旁的梁嘉莹直接行過，其間梁嘉莹疑似黑面及以手踭撞開倪樂琳，梁嘉莹受訪時表示：「冇呢件事，當時倪樂琳唔喺身邊，因為同行保母催我快啲走，要去做嘢，我就急步行去活動現場，我亦冇黑面，可能我皮膚黑、有啲攰，冇笑容時被誤會不開心。」

倪樂琳力證跟梁嘉莹沒有不和：「我都係上網睇片，先知道大家討論呢件事，我當時冇感覺到佢刻意批我踭，可能佢只係唔小心輕輕碰到我，若果真係批踭我都會黑面啦！」

另有疑似落選港姐吳芷靖在網上貼出對話信息截圖，指梁嘉莹得獎後講風涼話，叫家境不錯的吳芷靖明年再選港姐，可以走捷徑買獎，梁嘉莹聞言呼冤：「我唔清楚發生乜事，但決賽後我冇聯絡過吳芷靖，我冇講過。」

（即時娛樂）