因發起或參與前年民主派初選，涉違反《港區國安法》，被控串謀顛覆國家政權罪嘅屯門區前區議員張可森、及前議員尹兆堅，兩人還押候審已逾一年，今日(29日)有人去探望佢哋，並於社交平台貼文交代兩人嘅鐵窗近況，其中張為咗買番梘，喺監獄裏面努力做工賺錢；而尹就清減咗好多，簡直判若兩人咁話。
廣告（請繼續閱讀本文）
屯門區前區議員朱順雅喺社交平台貼文，指獄中嘅張可森雖每月獲發番梘一件，然而張每次沖涼都比較「落力」，通常半個月就消耗一件番梘，咁就惟有要動用部分獄中嘅「工資」，購買番梘嚟填補不足。
至於尹兆堅，儘管早有傳聞話佢瘦咗，但朱順雅指自己透過對話機同尹交談之前，無法想像眼前嘅人就係過往肥嘟嘟嘅尹兆堅！朱又形容，如果尹喺街上同佢爭的士，應該會認唔出對方囉。
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）