姊弟戀｜現時唔少人都話「戀愛自主」，當中「姊弟戀」就愈來愈普及，唔少女性都覺得「年齡再也唔係戀愛嘅牽絆」。近日日本就有一對年齡相差足足25年嘅戀人，因為奇妙嘅邂逅更登上電視而成為一時熱話！到底呢個「姊弟戀」嘅故事係點？即刻睇睇！
撰文：海月｜圖片來源：25歳逆年の差夫婦
姊弟戀｜拍拖7年男友未發現女友係62歲美魔女
廣告（請繼續閱讀本文）
隨著醫學美容進步，現時經已有唔少保養得宜嘅逆齡美魔女！當中日本就出現一對「25歳逆年の差夫婦」，男方Yoshitaka拍拖七年竟然一直唔知女友竟然係位62歲美魔女！
廣告（請繼續閱讀本文）
呢對「25歳逆年の差夫婦」Aki及Yoshitaka嘅邂逅過程相當戲劇化，當時剛與前妻離婚嘅Yoshitaka，心情低迷之際誤打誤撞嚟到Aki任職嘅一間居酒屋飲酒。當年只有29歲嘅Yoshitaka一入居酒屋就被Aki 深深吸引：「世上居然有這麼靚嘅人」！
廣告（請繼續閱讀本文）
當時已經55歲嘅Aki，就只顧做嘢根本無留意到Yoshitaka存在。之後，Yoshitaka對Aki一直念念不忘，更搵機會單獨去居酒屋光顧，終於跟Aki首次對話！
聊天後二人覺得彼此相當投契，而Aki亦認為Yoshitaka非常帥氣，亦有意進一步交往。而Aki當時就對Yoshitaka宣稱自己44歲，Yoshitaka亦一直沒有發現。
當初不被眾人睇好嘅佢哋，最後更交往七年之久，最後喺早前2月時終於決定共偕連理，正式結成夫妻。二人更新婚旅行為名，駕著露營車環遊日本，將自己遊歷的點點滴滴及故事拍下來跟觀眾分享，成為Youtuber，更登上了日本綜藝節目人氣爆燈！