陳柏宇太太湊女崩潰　發文呻爆：就快噴血身亡

歌手陳柏宇（Jason）與太太符曉薇（Leanne）育有一對女兒，分別是6歲Abigail及1歲多Audrey，一家四口經常在社交網分享生活日常。而Jason忙於工作，平日照顧小朋友的重責都落在太太身上，以一打二並不簡單，日前Leanne便在社交網放負，連出三個Po呻爆。

首先是「又一個早上，究竟要捱幾多個早上先？我就快噴血身亡」疑似為小朋友賴床而動氣，跟住再Po出兩女手拖手好溫馨行街的背影，不過就圖文不符，寫下：「點搞呀？一日唔見一件褸？」，最後一個Po更關老公事，「當你一早發緊火話緊個大女，你老公一起身想搞吓氣氛開開心心行出嚟，原來係會弄巧反拙，當你同個老公講個女成日唔見褸，你老公仲要喺個女面前做搞笑，雖然你明白到佢都係出自好心，但係你見到咁嘅情況係會更加之嬲，因為全世界只有你係衰人，專家真係好容易做。」不少媽媽粉絲都分享自己的相同經歷，有時呻吓可以有助抒壓，希望Leanne可以消氣啦！

東網網站 : https://on.cc/東網Facebook專頁 : https://www.facebook.com/onccnews/