【豬隊友？】女友拜年母親1句話令港男陷感情危機　網民：係咪唔記得畀家用得罪呀媽？

當情侶感情穩定後，不少人都會帶另一半拜會自己父母，而農曆新年這個喜慶節日就是一個好時機。有港男在今個新年，第一次帶女朋友回家食飯拜年，好讓家中兩老及另一半認識彼此。誰不知母親竟忽然語出驚人，今女朋友產生極大誤會，以致現時仍在生事主的氣。

Photo from 爛賭夫鬥爛賭妻 劇照

帶女友回家拜年陷感情危機

這位港男在討論區《Dcard》大吐苦水，抱怨母親在女朋友面前亂說話，令自己現陷入感情危機。事源事主在今年新年帶女朋友到屋企食飯拜年，打算為父母正式介紹自己的另一半。誰不知母親剛見到女朋友，就當着所有人面前大聲問兒子「你上個禮拜帶返嚟嗰個，唔係呢個嚟㗎喎？」母親的說話疑似暗指事主一腳踏兩船，背着女友金屋藏嬌。

Photo from 爛賭夫鬥爛賭妻 劇照

母親語出驚人令女友誤會

事主聽後大驚，立即打完場笑說「呀媽新年流流， 你唔好攞呢啲嚟講笑啦！」希望帶過這尷尬的氣氛，但女朋友早已面色一沉。事主坦言，自己對上一次帶女朋友回家已經是3年前，是對上一任前度。他無奈地指母親不但記錯，更說話不經大腦，竟然當着全屋人，特別是現任女朋友面前這樣問，令他完全「中伏」。港男慨嘆，儘管自己不斷解釋大喊冤枉，但女朋友現時仍然不肯相信他，他絕望直斥「今次真係畀呀媽玩死！」

網民：係咪唔記得畀家用？

不少網友笑言，事主媽媽相當「識玩」，更直指她是位豬隊友。有人就認為事出必有因，表示事主母親絕非傻或開玩笑，而是可能不喜歡事主女朋友，所以裝傻令二人感情生變。亦有網民猜測得罪母親的並非女友而是事主，問港男「係咪唔記得畀家用？定畀唔夠家用呀？定有其他嘢得罪咗佢？」，所以母親才會這樣戲弄他。另外更有網友嘗試從靈異的角度出發，問事主「會唔會係你呀媽無記錯，係你身後真係有嘢呢？」不知換轉大家是事主，又會怎樣挽回感情？

Photo from 爛賭夫鬥爛賭妻 劇照

Text : Mami Editorial

Source : Dcard

閱讀完文章，記得追蹤 MamiDaily親子日常 以下平台，隨時接收最新育兒教育資訊 ！

【Follow MamiDaily親子日常 IG】

【Like MamiDaily親子日常 FB】