車Cam直擊｜灣仔婦只顧自己行 女童衝馬路險捱貨車撞 片主：告疏忽照顧我一定作供

灣仔昨日險釀涉及女童的交通意外，家長更疑涉及疏忽照顧兒童。昨日(23日)有網民上載車Cam片，顯示時間為昨日下午5時20分，兩名穿幼稚園校服的年幼女童與一名疑為母親的黑白間條衫婦人，由灣仔道步行進入普樂里，惟婦人未有拖着兩女童，只顧自己先行，兩女童從後跟着。期間，一名女童突然衝出馬路，未有看後方路面情況，車Cam片主發現當時有貨車駛至，車廂內大叫示意。

幸貨車司機速度不快及時煞車，女童亦察覺貨車駛至，奔跑往對面行人路尋找婦人，車Cam片主此時怒斥「喂，拖實啦大佬」。婦人與另一名女童會合後，3人繼續前行，影片至此結束。片主表示「兩位孖女嘅老母，如果告你疏忽照顧，我一定會上庭作供！你兩個女先後走過出馬路，你就走到老遠，出左(咗)事淨係識鬧，仲要掉低衝出馬路嘅女，由得佢再獨自過馬路」。

網民斥疏忽照顧促報警 「累死個女仲累埋司機」

其他網民指，「唔止累死自己啲(個)女，仲累埋個司機」、「唔識教唔好生」、「我一定捉X住佢嚟X，然後再報警告佢疏忽照顧，佢想自己個女死都唔好累到人，如果貨車司機真係撞到佢個女，就真係好無辜」、「點解可以睇都唔睇下兩個女，自己一個係咁行」、「個媽媽冇左(咗)個女真係唔好怪人」、「垃圾家長」；亦有人讚貨車司機，「好彩噸車(貨車)司機驚(警)覺性高」、「貨車司機，多謝你警覺性高，及時煞車」、「貨車司機好身手」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)