Jay精挑鋒、樂樂、Jason和Carson為他拍MV。
馮允謙（Jay Fung）最近擔任《全民造星V》藍組導師，日前他為新歌《尋找隱世巨聲》拍MV，歌詞有關追夢和堅持，精挑四位得意弟子王鋒、羅樂（樂樂）、雷濠權（Jason）和李嘉俊（Carson）上陣。
今次挑選四位《造星》學員參與MV拍攝，Jay逐一介紹，說：「有好健碩嘅樂樂、好乖仔嘅Jason、好靚仔嘅王鋒，同埋好唱得嘅Carson。」Carson問他：「我都靚仔。」Jay哈哈笑說：「靚仔！成日問我你靚唔靚仔，哈哈！」他又笑言連同自己組成新Band「Rawrr」。他對四人說：「你哋今日嚟唔係做茄喱啡，真係有角色，我要睇到你哋有演技，緊唔緊張？」他們異口同聲表示已從另一位導師韋羅莎（Rosa）取經，學到很多演戲技巧，拍MV可以大派用場。
Jay任《造星V》導師被花姐在節目指摘太過溫柔善良。
王鋒笑說：「我哋今日係飾演一隊，我係一個唏噓嘅樂手。」Jay說：「王鋒好正能量，思想好正面嘅人，好適合呢個角色。」雖然Jay形容Jason乖仔，但拍攝他解開恤衫鈕，壞孩子低胸造型令人眼前一亮。Jay笑說：「佢係隱性Bad Boy，同我一樣，內心都係Bad Boy。」
拍攝MV前夕剛好開播《全民造星V》，眼見Jay導師被花姐在節目指摘太過溫柔善良，擔心他很難馴服一班學員。四位弟子立即為Jay平反，樂樂說：「最初覺得Jay好溫柔，認識後覺得佢比想像中更溫柔。」Jason坦言：「以前只係覺得Jay唱歌好好聽，比賽認識佢之後，發現佢對我哋個個都好好，所以佢叫我哋嚟拍MV即刻到，多謝佢諗到我哋，好驚喜！」
Jay同弟子們夾Band。
王鋒說：「我哋睇到花姐鬧Jay，唔知點解好想幫佢平反，好想好好保護佢，佢係我哋好可愛嘅脆弱小寶貝。」大賣口乖，氹得Jay好開心。Jay說：「我係一個Good Guy，冇鬧過佢哋。點解我冇鬧佢哋？因為佢哋好乖。其實我好幸運，遇到每個學員都好勤力好乖，唔使我好惡，佢哋都可以好好。」
