Juno擔任今次Sophy的MV導演，構思了充滿詩意的劇情與畫面。
王嘉儀（Sophy）炮製過《自然變態》及《淹悶》兩首電子曲風的作品後，今次新歌《我們的鬼魂》回歸抒情歌的懷抱，與曾兩度獲得台灣金曲獎最佳單曲製作人的陳君豪合寫旋律，創作出從淡淡然到盪氣迴腸的歌曲，然後透過Juno引薦，得到了黃偉文加持，寫出最有淒美的詞作。擔任今次MV導演的Juno構思了充滿詩意的劇情與畫面，Sophy更要開始練舞。她回憶道：「我哋12月開始排舞，排足2個月，2月底開才開機拍攝。因應劇情，MV裡面我嘅獨舞，亦要與舞者一同雙人舞，透過舞蹈表達懷緬對一段以往嘅戀情嘅眷戀同不捨。」
這次MV由Juno執導，Sophy坦言有壓力，她說：「Juno要求好高，就連拍攝班底，有部分都係佢拍電影嘅crew，對比我以往拍MV嘅模式，係一種升級，因為好多長鏡頭，好少機會可以拍到。」Sophy更指Juno睇景後，更提醒她拍攝前要調節生理時鐘早睡早起，她說：「睇景後Juno打電話俾我，話呢個shooting即將好辛苦，因為要喺十幾度天氣行入海浪，落完凍水後仲要拍十幾個鐘跳舞。」Sophy見識到Juno的瘋狂，全因要做出最美的畫面，她續說：「拍攝當日要朝早5點開機，因為想捕足日出嘅magic hour，拍出嚟好靚，好似一幅畫！但拍嘅當下好記得係2月尾，嗰朝15度，坐喺沙灘海邊，已經凍到傻咗，因為我身上著嘅衫要追求飄逸詩意，係非常艱難，好有挑戰性。」
辛苦晒Sophy！
很有挑戰性的還因為Sophy不懂潛水，但拍攝時卻要一take過從沙灘走進海浪中，雖然Sophy事前已學會用潛水用咬咀，海中更有兩位潛水人員帶着氣樽迎接她，但當日因為太大浪， Sophy一時間來不及拿起咬咀再潛入水底，結果她免不了飲了幾啖海水，不過Sophy覺得十分值得，她說：「好難短時間內做到好完美，但我好proud of呢個作品，Juno佢嘅瘋狂、奇幻構思，將首歌好親密、不捨感覺、情緒一一記錄低，令我感受到Juno電影國度嘅威力，亦令呢個MV成為我歷年來拍過最有電影感嘅MV。」